1/2 cy’ingimbi n’abangavu bari munsi y’imyaka 25 ntibakoresha agakingirizo

Ubushakashatsi bwakozwe na PHE bwagaragaje ko kimwe cya kabiri cy’ingimbi n’abangavu bari munsi y’imyaka 25 batigeze bakoresha agakingirizo igihe bakoraga imibonano mpuzabitsina n’abantu bahuye bwa mbere.

Amakuru yavuye muri ubu bushakashatsi akomeza avuga ko umuntu umwe mu icumi we atigeze akoresha agakingirizo habe na rimwe.

Mu bushakashatsi bwakozwe na PHE (Public Health England) na YouGov bwakorewe ku ngimbi n’abangavu 2,000 bari mu myaka hagati ya 16-25 ndetse batangaje ibintu bitandukanye bigendanye n’imibonano mpuzabitsina.

Abakoreweho ubushakashatsi bose nta sugi n’imanzi irimo kuko bose bakoze imibonano mpuzabitsina.

Bamwe batangaje ko impamvu bakoze imibonano mpuzabitsina nta gakingirizo ngo ni uko yabanejeje cyane ugereranyije n’iyo bakoze bambaye agakingirizo.

Umwe mu batanze amakuru witwa Jordan, w’imyaka 19 yavuze ko we akoresha agakingirizo gusa iyo ageze muri kimwe cya kabiri cy’igikorwa cy’imibonano mpuzabitsina.

Mu kiganiro yagiranye na Newsbeat yatangaje ko kunywa inzoga biri muri bimwe mu byatumye adakoresha agakingirizo igihe yakoraga imibonano mpuzabitsina n’umuntu mushya.

Ubu bushakashatsi bwasanze hafi kimwe cya kabiri cy’abantu batakoresheje agakingirizo barabaga babitewe no kunywa inzoga bagasinda.

Umwe mu bakobwa witwa Lydia nawe wemeye gushyira imyirondoro ye mu itangazamakuru, avuga ko iyo atanyoye inzoga aribwo yitwararika cyane akibuka kwirinda.


Kunywa inzoga byatumye Lydia adakoresha agakingirizo.

Gusa yongeraho ko ubwo yakoraga imibonano mpuzabitsina akoresheje agakingirizo itamuguye neza.

Abakora ibi byose bishinja ibyaha umunsi ukurikiyeho kuko baba bakoze imibonano mpuzabitsina batikingiye, bigatuma bihutira kujya kwisuzumisha kwa muganga ngo barebe ko batanduye indwara zandurira mu mibonano mpuzabitsina.

Ellie w’imyaka 20 nawe avugako abagabo bose yaryamanye nabo ngo babaga batewe ubwoba n’uko bashobora kumutera inda, aho guterwa ubwoba n’indwara zandurira mu mibonano mpuzabitsina.


Ellie avuga ko abagabo batinya inda kurusha izindi ngaruka zose

Ibyavuye mu bushakashatsi byerekana ko urubyiruko rusaga 141,000 ruri hagati y’imyaka 14-24 mu Bwongereza gusa rwasanzwe rwaranduye imitezi n’izindi ndwara zandurira mu mibonano mpuzabitsina.

Jesse, w’imyaka 24, yabwiye Newsbeat ko yigeze kwandura indwara zandurira mu mibonano mpuzabitsina kuko atakoresheje agakingirizo.

Yagize ati ’’ Nabikuyemo isomo rikomeye. Buri gihe nahuraga n’uburibwe bukomeye iyo najyaga kwihagarika ."

"Ibyangoye cyane byari ukubwira abo naryamanye nabo ko nanduye indwara zandurira mu mibonano mpuzabitsina, kugira ngo nabo bajye kwisuzumisha."

"Ubu igihe cyose nzongera gukorera imibonano mpuzabitsinda, nzibuka gukoresha agakingirizo. "


Jesse yakuye isomo rikomeye mu mibonano mpuzabitsina idakingiye.

Kugeza uyu munsi ikibazo gihangayikishije inzobere mu buzima, ni uko indwara y’imitezi , iyi ikaba ari imwe mu zandurira mu mibonano mpuzabitsina idakingiye ntabwo ikivurwa byoroshye n’imiti isanzwe ivura iyi ndwara ndetse mu minsi iri imbere ngo izagorana kuvurwa.

Dr Sara Kayat agira inama urubyiruko yo gukoresha agakingirizo igihe cyose bananiwe kwifata.

Yakomeje agira ati " Mu gihe indwara nyinshi zandurira mu mibonano mpuzabitsina zitinda kugaragaza ibimenyetso, kuzandura bishobora kuguteza ingaruka zikomeye ku buzima bwawe kuburyo zitavuwe zishobora kugutera ubugumba."

" Iteka ryose mpora ngira inama abarwayi bangana buri munsi ko batagomba gushyira ubuzima bwabo mu kaga banga gukoresha agakingirizo."


Dr Sara agira inama urubyiruko yo gukoresha agakingirizo.

Ku bemera ibitabo bitagatifu Korowani na Bibiliya yera byose bivuga ko gukora imibonano mpuzabitsina mbere yo gushyingiranwa imbere y’amategeko ko ari icyaha gikomeye Imana yanga urunuka cyane.

Amakuru dukesha ishami ry’umuryango w’abibumbye ryita ku buzima (WHO/OMS) avuga ko buri mwaka abantu miliyoni 357 bandura indwara zandurira mu mibonano mpuzabitsina ndetse abantu 311,000 bicwa na kanseri ya nyababyeyi ikomoka ku ndwara zandurira mu mibonano mpuzabitsina.

Muri Bibiliya yera, mu gitabo cy’imigani, igice cya 6 umurongo wa 32, handitse ko " Usambana n’umugore nta mutima afite, Ugenza atyo aba arimbuye Ubugingo bwe.


Usambana aba yangije ubugingo bwe.

Mu baheburayo, igice cya 13, umurongo wa 4 handitse ngo " Kurongorana kubahwe na bose, kandi kuryamana kw’abarongoranye kwe kugira ikikwanduza, kuko abahehesi n’abasambanyi Imana izabacira ho iteka "


Abahehesi n’abasambanyi imana izabacira ho iteka.

Muri Korowani, igitabo gitagatifu cy’abayisilamu, mu gice cya 24, umurongo wa 33 havuga ko " Abasilamu babujijwe gukora imibonano mpuzabitsina mbere y’uko bashakana hagati yabo bagakora ubukwe.

Iki gitabo gikomeza gisobanura ko abasilamu bagomba gukomeza kwitwararika bagakomeza kuba imanzi n’amasugi kugeza igihe Allah azabahera uburenganzira.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO