ACCESS 250: Umuhanzi Kenny Edwin avuga ko akora umuziki bitewe n’aho isi igeze

Umuhanzi Kenny Edwin ni umwe mu bahanzi bakizamuka aho kuririmba abifatanya no gucuranga kandi avuga ko akora umuziki bitewe n’aho abona isi igana.

Uyu muhanzi ubwo yakirwaga mu kiganiro Access 250 gitambuka kuri Genesis TV nyuma yagiranye ikiganiro na Genesisbizz ahamya ko akora umuziki bijyanye n’aho abona isi igeze.

Uyu muhanzi ubwo yabazwaga ibanga akoresha kugirango afatanye kuririmba no gucuranga icya rimwe yavuze ko byose nta kindi abikesha kitari impano ye bwite yavukanye.

Kenny Edwin ubwo yabazwaga ingorane ahura nazo mu muziki yavuze ko imbogamizi ahura nazo cyane ari izijyanye n’ubushobozi.

Uyu muhanzi yakomeje avuga ko yatangiye umuziki akiri umwana muto cyane icyakora ngo ntabwo yibuka neza imyaka yari afite gusa ubwo yigaga mu mwaka wa Gatatu mu kiciro rusange (Tron-Commun)yavuze ko aribwo yakoze indirimbo ye ya mbere ngo yari ifite umunota umwe.

Ubwo yabazwaga ku bahanzi afatiraho ikitegererezo yahamijeko ko yatangiye akunda cyane umuhanzi Ngabo Medard gusa magingo aya avuga ko asigaye akunda abahanzi bakizamuka kuko ngo bamubera impamvu yo gukora cyane.

Ubusanzwe amazina nyakuri yahawe n’ababyeyi be yitwa Dukuze Kalisa aho akoresha amazina y’ubuhanzi yitwa Kenny Edwin.




Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO