ACCESS 250:Umuhanzi Olivier Tuyi yagaragaje imbogamizi ahura nazo mu muziki kandi aba yakoze ibihangano byiza

Umuhanzi Olivier Tuyi ni umwe mu bahanzi bakora umuziki uramya ndetse ukanahimbaza Imana gusa avuga ko iteka ahora afite intego yo gukora umuziki mwiza kandi ugezweho ariko agahura n’’ikibazo cy’ubushobozi kuko aba adafite abamutera ingabo mu bitugu.

Aganira na Genesisbizz uyu muhanzi yavuze ko amazina nyakuri yahawe n’ababyeyi be yitwa Olivier Tuyisenge aho akoresha amazina y’ubuhanzi ya Olivier Tuyi,ndetse yaboneye izuba mu gihugu cy’Uburundi.

Uyu muhanzi avuga ko akijijwe ndetse akaba akunda umwami Yesu,ndetse abarizwa mu itorero rya ADEPR gusa ngo yakuriye I Bujumbura mu gace bita Musaga.

Olivier Tuyi avuga ko akora indirimbo zihagaruka ku kuramya no kuvuga ugukomera kw’Imana,ndetse akavuga ko anakora indirimbo zihamagarira abantu kubana mu mahoro kuko ngo akunda kubona abantu babanye mu mahoro.

Yakomeje avuga ko yakuze abona ababyeyi be basenga cyane bituma nawe ku myaka ye mike cyane atangira kwiyumvamo impano yo kuririmba indirimbo ziramya ndetse yahise atangira gukuriza impano ye mu ishuri ryo ku cyumweru ryigisha umuziki bituma anahigira gucuranga Guitar n’ibindi.

Ubwo hyabazwaga imbogamizi ahura nazo mu muziki we uyu muhanzi avuga ko ahura n’imbogamizi zitandukanye mu uzikimakora kuko ngo aba afite ibihangano byinshi kandi byiza ariko ngo akagorwa no kubikorera rimwe kubera kubura ubushobozi no kubura abantu bamufasha mubyo akora.

Olivier Tuyi yatunze agatoki ibitangazamakuru usanga bidakina ibihangano by’abahanzi kandi ugasanga ibyo bihangano ari byiza cyane kandi byarabavunnnye gusa rimwe na rimwe avuga ko buriya wenda hari impamvu zibitera zitandukanye.

Ubwo yabazwaga icyakorwa nfgo umuziki urusheho gutera imbere we yatangaje ko mbere na mbere yasaba Leta igafungura amashuri menshi yigisha umuziki kuko ngo umuziki ushobora gutunga umuhanzi uwukora ndetse ukaba wanamugeza ku iterambere.

Kugeza ubu avuga aribwo arimo gutangira umuziki kuko kuri ubu ngo afite indirimbo zigera kuri ebyiri zose ziri ku muyoboro we wa You tube witwa Olivier Tuyi gusa yasabye abakunzi be kujya kuri You tube ye bakamushyigikira ndetse bakarushaho no kumusengera.

Uyu muhanzi kandi yateguje abakunzi be indirimbo nshya igomba gusohoka mu minsi iri imbere ndetse ngo0 ni indirimbo nziza cyane ikubiyemo ubutumwa bwiza.





Kanda hano urebe indirimbo nziza cyane y’umuhanzi Olivier Tuyi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO