ACCESSS 250: Abahanzi ni bareke gukururwa niby’ahandi Emmy Nkwakuzi yagaragaje ubudasa bw’umuziki Gakondo

Mu kiganiro Access 250 gitambuka kuri Genesis TV umuhanzi uririmba indirimbo Gakondo Emmy Nkwakuzi yagaragaje ko umuziki Gakondo ufite itandukaniro rinini ugereranyije n’umuziki w’abanyamahanga ndetse ashishikariza abahanzi kuyoboka umuziki Gakondo bakareka gukururwa n’uwo hanze.

Ubwo yaganiraga na Genesisbizz Emmy Nkwakuzi yatangiye yivuga agira ati ndi:Emmy Nkwakunzi bakunze kwita iy’ikirenga nyamuberwa n’inkindi nkizihirwa n’ingamba nyir’icumu ry’injundwe ryaciwe gucungura uryitwaje nkaba rumashanira kunesha

Emmy Nkwakuzi ubwo yabazwaga impamvu urubyiruko rukunze kwinjira cyane mu muziki w’ahandi kurusha Gakondo yahamije ko impamvu nyamukuru ari uko baba batabonye amahirwe yo gukora Gakondo kuko ngo umuziki Gakondo ntabwo ukorwa na buri umwe.

Yakomeje avuga ko kugirango umuntu abashe gukora umuziki Gakondo ngo bigoye ndetse no kubona ibikoresho byawo ngo biragoye.

Yakomeje atanga urugero avuga ko kwinjira mu gitraramo cya Gakondo ngo bigoye cyane kuko ngo birahenze bijyanye n’uko umuziki Gakondo utawubona ahantu hose.

Umuhanzi Emmy Nkwakuzi kandi akomeza avuga ko ikindi gituma urubyiruko rudakora umuzikim Gakondo harimo no gukururwa n’ibigezweho bigatuma birengagiza ibyacu.

Uyu muhanzi ubwo yabazwaga itandukaniro abona riri hagati y’umuziki Gakondo n’uwimahanga yatangaje ko umuziki wo hanze wangiza umuryango Nyarwanda bigatuma Umuco urushaho gutakara icyakora ngo umuziki Gakondo wo usigasira Umuco kuko ngo ni kimwe mu birango bisigasira Umuco.

Ubwo yabazwaga igisobanuro cy’ijambo umuhanzi yasubije ko umuhanzi ari umuntu ubasha guhanga ikintu kitari gisanzwe kiriho bityo akagiha umwimerere.

Ubwo yabazwaga kandi uburyo yabashije gukuza impano ye yasubije ko kuva akiri muto yabashije gukuza impano ye biciye mu guca mu matorero harimo Amasimbi n’amakombe anyura mu imena ndetse aca no mu itorero urucyerereza ndetse ngo aho hose ni ahantu yavomye ubumenyi.

Emmy Nkwakuzi yavuze ko abantu afatiraho ikitegererezo mu muziki Gakondo ngo harimo umusaza Muyango bishingiye ku ijwi rye ndetse ngo agira n’inganzo ikomeye kandi y’umwimerere.

Uyu muhanzi Emmy Nkwakuzi yasoje asaba Abanyarwanda gukunda umuziki Gakondo ndetse abibutsa ko agahugu katagira Umuco ngo gacika kuko ngo iyo udafite umuco nta kintu umuntu aba afite.





Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO