AFCON: Abafana 8 bapfiriye ku mukino Cameroon yasezereyemo Comoros y’abakinnyi 10 idafite n’umunyezamu wayo

Mbere y’umukino wa 1/8 cy’ igikombe cy’afurika Cameroon yatsinzemo Comoros ibitego 2 kuri 1, abantu bagera ku munani bapfiriye mu muvundo w’abafana wabereye hanze ya stade yitiriwe Paul Biya (Olembe stadium).

Amashusho yafashwe yerekanaga imbaga y’abafana b’umupira w’amaguru basakuza ku marembo yinjira kuri Stade Olembe mu murwa mukuru Yaounde. Abatangabuhamya basobanuye ko hari akajagari k’abafana bashakaga kwinjira.

Nk’uko byemejwe na Minisiteri y’itumanaho muri Cameroon, abantu umunani nibo bapfiriye muri uwo muvundo, mirongo itatu n’umwe (31) barakomereka, naho 7 bararembye cyane.

Abafana 8 baguye mu mvururu zabereye kuri stade Olembe.

Stade Olembe mu busanzwe yakira abantu 60,000 ariko kubera Covid-19, ntabwo yari yemerewe kurenza 80%. Nimugihe abagera ku 50,000 aribo bagerageje kwinjira ku mukino.

Umunyamakuru w’umunya Danimarike Buster Emil Kirchner yatangarije BBC dukesha iyi nkuru ko hari umubare munini w’abantu ku marembo ya sitade kandi bari gusakuza cyane ngo binjire.

Yakomeje avuga ko hari abantu benshi badafite amatike bageragezaga kwinjira, bamwe bakurira uruzitiro, abandi bagaca kuri bariyeri.

Naho umunyamakuru Leocadia Bongben yatangaje ko yabonye imvururu ziva mu gace k’abafana hanze ya stade.

Ati: "Abantu batangiye gusakuza. Nyuma y’iminota mike, ambulance yaje kuri sitade, ariko tugeze aho abapolisi ntibatwemerera kuhegera ."

"Mu byukuri ni ibintu bibabaje kubona abantu bajya kureba umukino bikarangira bahasize ubuzima."

Uyu mukino wa 1/8 cy’igikombe cy’Afurika warangiye Cameroon itsinze Comoros ibitego 2 kuri 1.

Cameroon yasezereye Comoros muri 1/8.

Comoros yakinaga idafite abanyezamu bayo babiri banduye Covid-19 nubwo byavuzwe ko yari amayeri ya Cameroon, dore ko ngo umwe muri bo yongeye gupimwa ku munsi w’ejo mu gitondo bagasanga nta Covid-19 afite, byaje gutuma izamu rya Comoros rijyamo Chaker Alhadhur usanzwe akina inyuma kuruhande rw’ibumoso.


Chaker Alhadhur usanzwe ukina kuri 3 niwe wari mu izamu.

Toko Ekambi Vincent Aboubakar nibo batsindiye Cameroon, naho Youssouf M’Changama atsindira Comoros yari yanabonye ikarita itukura ku munota wa 7 yahawe Jimmy Abdou.

Ni mugihe Gambia yo yasezereye Guinea ku gitego kimwe ku busa, cyatsinzwe na Musa Barrow ku munota wa 71.

Muri ¼ Cameroon izahura na Gambia, Tariki 29 mutarama 2022.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO