AMAFOTO: Tumusiime Juliet ukora kuri Televiziyo Rwanda ari mu buryohe I Dubai mu kwa buki

Tumusiime Juliet ukora kuri Televiziyo Rwanda mu kiganiro cy’iyobokamana cyitwa ‘RTV Sunday Live’ we n’umugabo we John Muhereza bari mu kwezi kwa buki mu mujyi wa Dubai.

Uyu munyamakuru ubifatanya n’ubuhanzi yamwambitse impeta tariki 06/12/2020 na, John Muhereza nawe w’umunyamakuru ku mateleviziyo akomeye mu gihugu cya Kenya ariko akorera aba mu Rwanda.

Taliki ya 26 Gicurasi 2021 nibwo aba bombi basezeranye imbere y’amategeko, bibera mu murenge wa Kimihurura mu karere ka Gasabo.

Ubukwe bwabo bwabaye taliki ya 21 Kanama 2021 bubera i Kanombe ahazwi nko kuri Password Garden hafi n’ibitaro bya Gisirikare. Byari n’akarusho kuko bwitabiriwe n’abantu bipimishije Covid-19.

Nyuma y’ubukwe bahise berekeza muri Leta Zunze Ubumwe z’Abarabu mu kwezi kwa buki mu mujyi wa Dubai.

John Muhereza ni umunyamakuru ubifatanya n’umwuga wo gufotora, gutunganya amashusho (Video), gutunganya ibiganiro byo kuri Televiziyo.

Juliet Tumusiime ni umunyamakuru ubirambyemo dore ko mbere yo gukora kuri Televiziyo Rwanda, yabanje gukora kuri Royal Tv.

Kuri ubu anafite ikiganiro anyuza ku rubuga rwa Youtube cyitwa ‘The Blessing Show’, amashusho yacyo akaba atunganywa n’umukunzi we.

Urebye n’ibyo ni n’umuhanzikazi mu muziki wo kuramya no guhimbaza Imana aho afite indirimbo zitandukanye zirimo ‘Tera intambwe imwe’, ‘Waba usize iki’ na ‘Sinzaceceka.’


Bakomeje kugirira ibihe byiza i Dubai aho bagiye mu kwezi kwa buki


Bagiye Dubai haciyemo iminsi mike bakoze ubukwe

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO