AMAFOTO: Udushya twaranze irushanwa rya Head’s UP ryegukanwe na Maniraguha Ellie

Irushanwa ry’umuziki rigamije kuzamura impano rya Head’s up music competition ritugurwa n’ikigo cy’itangazamakuru cya Genesis ryashyizwe ku musozo aho ku nshuro ya mbere ryegukanwe n’uwitwa Maniraguha Ellie.

Iri rushanwa ryabaga ku nshuro ya mbere ryabaye mu ijoro ryo kuwa gatandatu aho uwabaye uwa mbere yahawe igihembo cya Miliyoni akaba azanakorerwa indirimbo esheshatu zirimo ebyiri zifite n’amashusho. Abandi bahembwe harimo uwabaye uwa kabiri wahawe ibihumbi 500frw n’uwa gatatu wahawe ibihumbi 300frw.

Iri rushanwa ryabaga ku nshuro ya mbere ryatangiye tariki ya 12 Nzeri 2020 aho byari biteganyijwe ko risozwa kuya 26 Ukuboza 2020 ariko rikaza gusubikwa kubera Ikibazo Covid -19.

Ubwo yatangizaga iri rushanwa Madamu Niragire Marie France yavuze ko icyo agamije ahanini ari ugufasha abana bafite impano ariko babuze aho bigaragariza kugirango abantu babamenye.

Ati “Gukora ibi nta y’indi nyungu mbifitemo ahubwo ni urukundo rw’umuziki kuko njya mbona abana benshi bafite impano ariko babuze ubushobozi cyangwa se aho banyura kugirango abantu babamenye ari nayo mpamvu tuzabakorera indirimbo tukabaha n’andi mafaranga azabafasha muri urwo rugendo.”

Mu gikorwa cyo gusoza iri rushanwa habanjeho kwiyerekana kwabari mu irushanwa aho banyuraga ku itapi itukura. Nyuma y’ibyo nibwo habayeho ukwigaragaza bitewe n’impano zabo imbere y’akanama nkemurampaka kari kagizwe na Niragire Marie France, Producer Evydecks na Maurice uzwi nka Maurix mu gutunganya indirimbo z’abahanzi.

Ibi birori byatangiye ahagana I saa kumi n’imwe aho batumiwe babanje gusuzumwa ko bakurikije amabwiriza ya Covid -19 harebwa ko bafashe urukingo ndetse banipimishije .

Mu ikanzu nziza Umuyobozi Mukuru wa Genesis Broadcasting network nk’Umushyitsi Mukuru aherekejwe n’umufasha ndetse n’abakozi ba Genesis Tv &Bizz baserutse mu myenda myiza yo mw’ibara ry ‘umukara tutibagiwe n’abatumirwa bose n’uko byari ibintu biryoheye ijisho.

Kw’isaha ya saa kumi n’ebyiri nibwo abashushyarugamba Mutangana Ange na Christian Ishema bafatanyije n’abanyamakuru Shema Christian na Bona Kuku bahaye abatumirwa Ikaze ndetse baha umwanya Blessed Band ifatanyije n’umuhanzi Maitre Dodiane basusurutsa abari bitabiriye ibirori byo guhemba abanyempano 10 bitabiriye irushanwa rya rya Heand’s Up.

Abanyempano 10 barimo Henriette Umwali, Fabiola Iradukunda, Asifiwe Prince Jean Michel Dusenge, Jean Claude Niyibizi, Theoneste Iyakaremye Mugisha, Cabella Uwaheneza Aime Igabe na Elie Maniraguha bose babanje guca ku itapi itukura.

Abanyempano bamaze guca imbere y’akanama nkemurampaka kemeje ko Elie Maniraguha ariwe wegukanye Irushanwa rya Head’s Up aho yahembwe Miliyoni 1 y’amanyarwanda akurikirwa na Niyibizi Jean Claude wahembwe ibihumbi 500, Ku mwanya wa 3 Iyakaremye Theoneste Mugisha wahembwe ibihumbi 300.

Mu ijambo rye Umuyobozi wa Genesis Tv & Bizz Niragire Marie France yashimiye abitabiriye irushanwa bose nubwo bitari byoroshye kubera icyorezo cya Covid-19 cyatumye igikorwa cyo guhemba abari bitabiriye head’s Up gisubikwa inshuro irenze imwe .

Yakomeje asaba abanyempano gukomeza kwigirira icyizere anabizeza ko mu mwaka utaha mu kwezi kwa Karindwi nabwo bazongera bagategura iri rushana aho abazabyifuza bose barimo nabari bitabiriye iri rushanwa bashobora kongera ku ryitabira.

Amafoto yaranze iki gikorwa


Maniraguha Ellie wegukanye irushanwa hamwe na Niyibizi Jean Claude na Iyakaremye Theoneste begukanye ibihembo

Maniraguha Ellie avuga ko kwegukana iri rushanwa ari inzira nziza zo kwagura umuziki we nawe akamenyekana


Buri mwana wanyuze mu irushanwa yahawe icyemezo kerekana ko yitabiriye

Abanyempano batanu barushije abandi

Hari abari baje gushyigikira abari mu irushanwa


Niragire Marie France wateguye irushanwa atambuka ku itapi itukura




Ushaka kureba andi mafoto menshi yaranze iki gikorwa wanyura ku rubuga rwa Genesis tv Rwanda.

AMAFOTO: Imvano Pictures

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO