APR FC yisubije umwanya wa mbere nyuma y’amasaha make ufitwe na Kiyovu Sport

Kuri uyu wa mbere Shampiyona y’icyiciro cya mbere mu mupira w’amaguru ’Primus National League’ yakomezaga, aho ikipe ya APR FC yatsinze Etincelles FC ibitego 2-0.

Yari umukino w’umunsi wa 18 wa shampiyona waberaga kuri Sitade ya Kigali, maze APR FC itsinda Etincelles ibitego 2-0, byose byabonetse mu gice cya mbere cy’umukino, aho igitego cya mbere cyatsinzwe na Manishimwe Djabel ku munota wa 38 kuri penaliti, naho igitego cya kabiri gitsindwa na Kwitonda Alain Bacca ku munota wa 44.

Naho indi mikino yabaye kuri uyu munsi, Rayon Sport yatsinze Bugesera FC igitego 1-0, cyatsinzwe na Mussa Esenu ku munota wa 31, mu gihe Musanze FC yatsinze Etoile de l’Est ibitego 2-0, byatsinzwe na Nshimiyimana Amran ndetse na Samson Ikechukwu.

Nyuma y’umunsi wa 18 wa shampiyona, APR FC iyoboye urutonde rwa shampiyona n’amanota 40, ikurikiwe na Kiyovu Sport ifite amanota 38, mu gihe Mukura VS&L iri ku mwanya wa 3 n’amanota 32 inganya na Rayon Sport ya kane.


APR FC yisubije umwanya wa mbere ku rutonde rwa shampiyona


Mussa Esenu yafashije Rayon Sport gutsindira Bugesera FC iwayo


Musanze FC yatsinze Etoile de l’Est ibitego 2-0

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO