APR FC yongereye amasezerano abakinnyi bayo babiri

Ikipe y’ingabo z’igihugu ’APR FC’ yongereye amasezerano abakinnyi bayo babiri, Byiringiro Lague na Ishimwe Anicet.

Nk’uko byatangajwe n’iyi kipe ibinyujije ku rukuta rwayo rwa Twitter, aba bakinnyi bombi bakaba bongereye amasezerano y’imyaka ine kuri buri wese.

Byiringiro Lague ni umwe mu bakinnyi ngenderwaho muri iyi kipe ya APR ndetse no mu ikipe y’igihugu Amavubi.

Nyuma yo kwitwara neza mu mwaka w’imikino wa 2020/21, uyu mukinnyi yahise yerekeza mu igeragezwa mu busuwisi nubwo bitaje kumuhira.

Lague yongereye amasezerano nyuma y’igihe gito akirutse imvune yari yaragize ku mutwe ku mukino Amavubi yakinagamo na Kenya mu gushaka tike y’igikombe cy’isi.

Ishimwe Anicet nawe wongereye amasezerano, ni umwe mu bakinnyi bigaragaje mu mikino ibanza ya Shampiyona nubwo akunda gukinishwa iminota mike akina asimbuye.

Mu mikino yo kwishyura ya shampiyona izatangira kuri uyu wa gatandatu tariki ya 12 Gashyantare 2022, APR FC izatangira yakirwa na Gicumbi FC, ku cyumweru.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO