Rayon Sports vs APR FC: Batangiye kubarira Frw bataramenya niba abafana bazinjira

Umuyobozi w’ikipe ya Rayon Sport Munyakazi Sadate yemeje ko hazaba umukino wa gicuti uzahuza ikipe ya Rayon Sports na APR FC wo kwitegura shampiyona y’umwaka w’imikino wa 2020/2021 avuga ko amafaranga azinjira kuri uwo mukino azaba ayabo.

Mu kiganiro yagiranye na RadioTv10, Perezida wa Rayon Sport Bwana Munyakazi Sadati yavuze ko ikipe ye izakina umukino wa gicuti na APR Fc ibitarakunze kuba mu myaka yose aya makipe amaze avutse.

Yagize ati: “Twaganiriye n’ubuyobozi bwa APR Fc twemeranya umukino wa gicuti, icyo nabwira abafana ba Rayon Sport nuko uyu ariwo mwanya wo kwereka APR Fc ko nubwo tutakinnye umukino wo kwishyura (wa shampiyona) ko iyo tuwukina twari kubatsinda.”

Sadate Munyakazi yavuze ko amafaranga azava kuri uwo mukino ari ayo gufasha Rayon Sport kwiyubaka, avuga ko atazaba ari aya APR Fc. Ati: “Icyo nabwira abafana nuko amafaranga azinjira kuri uwo mukino azaba ari aya Rayon Sport.”

Avuga ahanini ku mubano we n’ikipe y’ingabo z’igihugu, Munyakazi Sadate yavuze ko bahujwe n’amaraso y’ubunyarwanda, yongeraho ko icyo atakwemera ari ugutsindwa n’iyi kipe.
Yagize ati: APR Fc dufite ibintu byinshi dusangiye, twese turi abanyarwanda, dufite umutoza umwe, gusa niduhura mu kibuga tuzaba tuyishakaho amanota atatu, kunganya natwe niyo nsinzi yabo.”

Perezida wa Rayon Sport amaze iminsi afitanye umubano mwiza na mukeba APR Fc, aho aherutse kubagurishaho Bizimana Yannick ndetse nawe bakamutiza Sugira Ernest.

Photo: RadioTV10

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO