APR FC yemeje ko yahagaritse Bukuru Christopher

Ubuyobozi bw’ikipe ya APR Fc bwahamije ko bwahaye ibihano umukinnyi w’iyo kipe ukina mu kibuga hagati witwa Bukuru Christopher bitewe n’imyitwarire mibi iri kumuranga muri iyi minsi.

Bukuru Christopher wageze mu ikipe ya APR Fc mu ntangiriro za shampiyona y’umwaka ushize wa 2019/2020, yahanwe n’ubuyobozi bwa APR Fc bitewe nuko atigeze akora imyitozo yahawe n’umutoza mu gihe cya guma mu rugo, mu gihe abandi bayikoraga bakoherereza amashusho (Video) umutoza.

Umuvugizi wa APR Fc Kazungu Clever yatangaje ko Bukuru yahagarikiwe iyo mpamvu avuga ko ubuyobozi butabyishimiye.

Ati “Nibyo koko Bukuru yahagaritswe igihe kitazwi kubera ko atigeze akora imyitozo nk’abandi ngo yoherereze umutoza amashusho mu gihe cya Guma mu rugo.”

Bukuru Christopher yageze mu ikipe ya APR Fc mu mwaka ushize w’imikino avuye mu ikipe ya Rayon Sport. Uyu ni umwaka wa mbere akina muri iyi kipe ya gisirikari.

Christopher arikumwe n’ubuyobozi bwa APR Fc

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO