APR Fc yerekanye umutoza uzungiriza Adil Mohammed

Kuri uyu wa mbere tariki 17 Kanama nibwo ubuyobozi bw’ikipe ya APR Fc bwamurikiye itangazamakuru umutoza mushya w’Umunya-Argentine witwa Pablo Morchón uzungiriza Adil Mohammed nyuma yuko uwo bari bafite atandukanye n’iyi kipe mu mpera za shampiyona.

Umutoza mushya wungirije uzafasha Mohammed Adil Erradi yageze mu Rwanda kuri uyu wa Gatanu Tariki 14 Kanama 20120 nyuma y’igihe ategerejwe n’ikipe y’ingabo z’igihugu.

Umunya-Argentine Pablo Morchón w’imyaka 42, niwe uzungiriza Umunya-Maroc Mohammed Adil ndetse akazaba ashinzwe no kongerera ingufu abakinnyi b’ikipe ya APR FC, azaba asimbuye kuri uwo mwanya Nably wasubiye iwabo mu mpera za Nyakanga.

Mu kuganiro gito yagiranye n’abanyamakuru yavuze ko yaje mu Rwanda gufasha APR Fc kwitwara neza mu mikino bafite imbere ndetse ko yishimiye kuba ari mu Rwanda.

Yagize ati: ”Nishimiye cyane kuba nkandagiye ku mugabane wa kane kuri iyi si ariko cyane cyane mu gihugu kiza cy’u Rwanda, nishimiye cyane amahirwe nahawe yo kuba nagirwa umutoza wungirije w’ikipe nziza nka APR FC, ndashimira ubuyobozi cyane ndetse n’umutoza Adil wangiriye icyo cyizere agatanga izina ryanjye kugira ngo nze ntange ibyo mfite muri iyi kipe ndetse nzamure urwego rw’umupira w’amaguru muri iki gihugu .” Aganira n’urubuga rwa APR Fc.

Pablo ni yatoje he?
Mu 2007-2008 yari umutoza mu ishuri ry’abana ry’ikipe ya FC Barcelone riherereye iwabo muri Argentine, 2010-13 yari umutoza wongera imbaraga mu ikipe ya Atlético Unión Sports Club Santa Fe yo mu cyiciro cya mbere muri Argentine.

Mu 2013-16 yaje kwerekeza mu mujyi wa Tokyo mu Buyapani aho yari umutoza wongerera ingufu abakinnyi mu mushinga w’ikipe ya Boca Junior wo gutoza umupira w’amaguru abana bo mu Buyapani, muri 2016-17 yaje gukomereza mu ikipe ya Royal Sporting Club Anderlecht yo mu cyiciro cya mbere mu gihugu cy’u Bubiligi.
Umunya-Argentine Pablo Morchón w’imyaka 42 uje kungiriza Adil

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO