AS Kigali mu nzira zerekeza muri Libya nyuma yo gukora imyitozo ya nyuma

Ikipe y’Umujyi wa Kigali ariyo AS Kigali kuri ubu yamaze gukora imyitozo ya nyuma aho yitegura kujya gutana mu mitwe n’ikipe ya Al-Nasr SC yo mu gihugu cya Libya nyuma yo gutera amahirwe inyoni ikananirwa gutsindira imbere y’abafana bayo.

Iyi kipe itozwa n’umutoza Cassa ndetse irangajwe imbere na Kapitene wayo Haruna Niyonzima iri mu myiteguro ikomeye kugirango yerekeze muri Libya gukina na Al-Nasr muri Confederation Cup.

Umukino ubanza wahuje amakipe yombi wabereye mu Rwanda kuri Stade mpuzamahanga y’akarere ka Huye aho umukino warangiye amakipe yombi aguye miswi akanganya 0-0.

Ikipe ya AS Kigali yakoze imyitozo yayo yanyuma ku munsi w’ejo aho yabereye kuri Stade ya Kigali I Nyamirambo aho Cassa yahaye abahungu be imyitozo mu gihe kingana n’isaha imwe irengaho iminota mike.

AS Kigali igomba kurira umusozi ikajya gukina na Al-Nasr ndetse isabwa gutsinda cyangwa ikanganyiriza muri Libya ariko habonetse ibitego ku mpande zombi.

Kapiteni wa AS Kigali, Haruna Niyonzima, yashimangiye ko bazatahukana intsinzi kuko biteguye neza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.