Ikipe ya AS Kigali ikoze mu jisho Police FC

Ikipe ya As Kigali ibifashijwemo n’igitego cya Hussein Tchabalala cyabonetse mu gice cya mbere cy’umukino, yatsinze Police FC mu mukino ubanza wa 1/2 mu gikombe cy’Amahoro 2022 wabereye kuri Stade ya Kigali I Nyamirambo.

Uyu mukino ubanza wa 1/2 mu gikombe cy’Amahoro 2022 wari wakiriwe na AS Kigali, wasifuwe na Hakizimana Louis.

Igice cya mbere kigana ku musozo ku munota wa 45’ ku mupira wari uturutse kuri coup franc yatewe na Haruna Niyonzima , Hussein Tchabalala yafunguye amazamu atsindira AS Kigali igitego cya mbere ari nacyo cyabonetse muri uyu mukino.

Amakipe yagiye kuruhuka AS Kigali iri imbere n’igitego 1-0.

Nubwo Police FC yagerageje gushaka igitego cyo kwishyura ndetse abakinnyi bayo bagahusha uburyo bnukomeye gusa, ntiyashoboye kunyeganyeza inshundura.

Ikipe ya AS Kigali irasabwa kunganya kugirango ngo igere ku mukino wa nyuma mu gihe Police FC isabwa gutsinda 2-0 .

Iminota 90 y’umukino yarangiye AS Kigali yegukanye intsinzi y’igitego 1-0 ago itegereje umukino wo kwishyura uzaba Kuwa Gatatu w’icyumweru gitaha.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO