Ababurana ari babiri umwe aba yigiza nkana Liverpool na Manchester City ruracyageretse rwabuze gica

Shampiyona y’igihugu y’ubwongereza iragana ku musozo aho amakipe abiri akomeje guhatana ku buryo bukomeye ndetse kugeza magingo aya nta muntu ushobora kwemeza ikipe izegukana iki gikombe hagati ya Liverpool na Manchester.

Ikipe ya Liverpool na Manchester City zikomeje kuryana insataburenge dore ko kugeza magingo aya makipe yombi atandukanywa n’ikinyuranyo cy’inota rimwe gusa.

Mu mikino yakinwaga ikipe ya manchester City yaje guhagamwa bikomeye n’ikipe ya West Ham United maze ikipe ya Liverpool itsinda bigoranye ikipe ikipe ya Southampton ibitego 2-1.

Nyuma y’uyu musaruro w’amakipe yombi byatumye ikipe ya Manchester City ibihomberamo kuko byayiteye guhangayika bikomeye dore ko kuri ubu byatumye isabwa gutsinda ku bubi na bwiza.

Ikipe ya Liverpool igomba guhangana n’ikipe ya Wolves maze ikipe ya Manchester City nayo ifite umukino ukomeye cyane ugomba kuzayihuza ku munsi wa nyuma n’ikipe ya Aston Villa itozwa n’umutoza Steven Gerald.

Igikomeza uyu mukino ni ukubera ko ikipe ya Aston Villa abenshi bavuga ko ishobora kuzarwanirira bikomeye ikipe ya Liverpool bijyanye nuko ikipe ya Aston Villa itozwa na Steven Gerald wahoze ari umukinnyi ukomeye mu mateka y’ikipe ya Liverpool ndetse, iyi kipe ikinwamo n’umukinnyi philipp Coutignho wavuye mu ikipe ya Liverpool.

Magingo aya makipe yombi yaba Manchester City na Liverpool ni amakipe akomeje kwitwara neza mu gihugu cy’Ubwongereza ndetse abenshi bakomeje guhamya ko aya makipe yombi ariyo afite abatoza beza ku Isi.

Kuri ubu ikipe ya Liverpool itozwa n’umutoza Jurgen Klopp ukomoka mu gihugu cy’Ubudage naho ikipe ya Manchester city itozwa n’umutoza Pep Guardiola ukomoka mu gihugu cya Espagne

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO