Abafana ba Kiyovu Sports batangaje amagambo akomeye ku ikipe ya Rayon Sports

Kugera mu biryogo cyane cyane mu bice bitagerwamo n’imodoka ntabwo byagutungura gukubitana n’abafana ba Kiyovu Sports bahamya ko batangiye gukuburira Rayon Sports inzira kugirango isubire ku ivuko I Nyanza mu Majyepfo y’U Rwanda aho yaturutse.

Abafana ba Kiyovu Sports Kuri ubu batangiye intambara y’amagambo aho bavuga ko bidasanzwe kubona Rayon Sports yiyita abanyamujyi kandi yaraturutse I Nyanza.

Kuri ubu rero byatumye bamwe mu bafana b’iyi kipe birara mu mihanda itagerwamo n’imodoka batangira gukubura aho bavuga ko barimo guharurira ikipe y’i Nyanza kugirango isubire ku ivuko.

Ibi biravugwa mu gihe abafana b’amakipe yombi buri umwe akomeje gukurura yishyira aho bavuga ko buri umwe agomba gutsinda mugenzi we.

Kuri uyu wa gatanu Taliki ya 11 Ugushyingo 2022 kuri Stade ya Kigali I Nyamirambo hategerejwe umukino ukomeye cyane ugomba guhuza ikipe ya Kiyovu Sports na Rayon Sports ndetse kuri uyu mukino ikipe y’urucaca niyo izaba yakiriye.

Mu mikino 3 iheruka bisa n’aho ikipe ya Kiyovu Sports yayoboje inkoni y’icyuma ikipe ya Rayon Sports kuko aho hose ntabwo Gikundiro yigeze yikura mu nzara ikipe ya Kiyovu Sports (Urucaca)

Uyu mukino wahuruje imbaga nyamwinshi ndetse ibiciro byagiye ahagaragara aho kwinjira ku mukino itike ya make ihagaze amafaranga 5000 Frw n’aho ihenze ikaba ihagaze 50,000 Frw.


Abafana ba Kiyovu Sports batangiye gukuburira inzira Rayon Sports ngo kugirango isubire ku ivuko aho yahoze I Nyanza.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO