Abafana bemerewe kugaruka kuri Sitade batarinze kwipimisha, basabwa kuba barakingiwe inkingo zose

Nyuma y’imyanzuro y’inama y’abaminisitiri yaraye ibaye mw’ijoro ryakeye igaha abafana uburenganzira bwo kongera kwitabira imikino ku bibuga bitandukanye, kuri uyu wa kane Tariki 27 Mutarama 2022, Minisiteri ya Siporo nayo yasohoye amabwiriza mashya agenga ibikorwa bya siporo n’imikino hirindwa icyorezo cya Covid-19.

Mu itangazo rya Minisiteri ya siporo, abafana bemerewe kugaruka ku bibuga ku kigero cya 50% cy’ubushobozi bw’aho umukino wabereye, Ariko bakaba basabwa kuba barikingije inkingo zose ziteganijwe kandi bakubahiriza amabwiriza yo kwirinda Covid-19 yagenewe ahabera imikino.

Minisiteri ya siporo yavuze ko kandi ingaga zizagaragaraho kutubahiriza amabwiriza yo kwirinda Covid-19 zizahita zifatirwa ibihano.

Amarushanwa ahuza ibigo by’amashuri (Interscolaire) nayo akaba yemerewe gusubukurwa, ndetse n’ibikorwa by’imyitozo yigisha abakiri bato, n’imyitozo y’abatarabigize umwuga nayo ikaba yakomorewe.

Kuva icyorezo cya Covid-19 cyaza, bikaba ari ubwa mbere abafana bagiye kwitabira imikino badasabwe kubanza kwipimisha iki cyorezo.


Minisiteri ya Siporo yasohoye amabwiriza avuguruye agenga ibikorwa bya siporo n’imikino hirindwa Covid-19.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO