Abafite inkwi barya ibihiye!Umuhanzi The Ben n’umugore we Pamella baryohewe n’ubuzima mu birwa bya Maldives

Umuhanzi Mugisha Benjamin uzwi cyane ku izina rya The Ben yasangije abakunzi be amafoto ari kwishimira ubuzima hamwe n’umugore we Uwicyeza Pamella mu birwa bya Maldives ndetse aha bagiyeyo mu rwego rwo kwizihiza isabukuru y’amavuko y’uyu muhanzi.

Uyu muhanzi yavuye muri Leta Zunze Ubumwe za Amerika yerekeza mu birori byo kwizihiza isabukuru ye y’amavuko aho yabaye kuwa 09 Mutarama 2023.

Bivugwa ko mbere gato The Ben yabanje guhurira n’umugore we mu gihugu cya Tanzania ndetse bagasangirira ku mucanga wo ku nyanja.

Nyuma kandi aba bahise berekeza mu birwa bya Maldives ndetse kuri ubu abenshi batangariye ifoto igaragaza aba bombi bishimiye ubuzima ubwo bari muri ibi birwa.

Urukundo hagati y’aba bombi rwatangiye gushinga imizi mu mwaka wa 2019 ndetse nyuma y’aho byagiye kumugaragaro ndetse bituma mu kwezi kwa Kanama 2022 aba bombi basezerana mu mategeko.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.