Abagabo bararutanwa Liverpool akaguru kamwe ku mukino wa nyuma

Mu ijoro ryakeye ikipe ya Liverpool yitwaye neza itsinda ibitego 2-0 ikipe ya Villarreal y’umutoza Unai Emery ni umukino wabaga muri iri joro ryakeye ku kibuga Unfield gikinirwaho na Liverpool.

Uyu mukino wagiye kuba abatoza ku mpande zombi biteguye ndetse ikipe ya Villarreal byari byitezwe ko igomba guha akazi gakomeye ikipe ya Liverpool ibi niko byagenze igice cya mbere cy’umukino aho cyarangiye amakipe yombi anganya 0-0.

Mu gice cya kabiri ikipe ya Liverpool yaje yariye karungu maze kubera igitutu kinshi bituma umukinnyi wa Villarreal witwa Estupinan yitsinda igitego.

Nyuma y’iminota ibiri gusa umukinnyi Sadio Mane ukomoka mu gihugu cya Senegal yaje gutsindira Liverpool igitego cya kabiri bituma bizera intsinzi batyo.

Nyuma y’umukino umutoza wa Liverpool Jurgen Klopp yari yishimye cyane ndetse avuga ko bagifite akazi gakomeye mu gihugu cya Espagne dore ko hateganyijwe umukino wo kwishyura mu minsi iri imbere.

Umutoza Unai Emery we yatangaje ko ikipe ya Liverpool yari ikwiye ibitego yatsinze kuko ngo yabikoreye gusa yakomeje avuga ko bitararangira ahubwo agomba kwitegura neza umukino wo kwishyura.

Magingo aya ikipe ya Liverpool y’umutoza Jurgen Klopp hamwe na Manchester City y’umutoza Pep Guardiola nizo zihabwa amahirwe yo gutwara iki gikombe gihuza amakipe yabaye ayambere iwayo
(Champions League).

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO