Abagizi ba nabi bateraguye abantu ibyuma hakomerekeramo umukinnyi wahoze akinira Arsenal

Abagizi ba nabi bateraguye abantu ibyuma ndetse birangira umuntu umwe yitabye Imana bituma n’uwahoze ari umukinnyi wa Arsenal Pablo Mari nawe abikomerekeramo.

Iyi nkuru ibabaje yabereye mu isoko rinini riherereye mu mujyi wa Milan mu gihugu cy’Ubutaliyani.

Iyi nkuru kandi yakomeje ivuga ko umuntu witabye Imana ari uwari umukozi wo muri iri soko ndetse ngo yari afite imyaka 30 y’amavuko.

Pablo Mari kandi wahoze akinira Arsenal nawe ni umwe mu bakomerekeye muri uru rugomo rwakozwe n’abagizi ba nabi.

Amakuru avuga ko uwagabye igitero yagize ibibazo byo mu mutwe kandi ko yakuye intwaro mu bubiko bwa supermarket.

Mari, myugariro w’umunya Espagne w’imyaka 29, yakomeretse mu mugongo gusa ibikomere bye ntabwo biteye ubwoba.

Perezida w’ikipe ya Monza yatijwemo Mari, Adriano Galliani, yatangarije Sky Italy ko Mari yari yagiye guhaha hamwe n’umugore we maze umugizi wa nabi arabibasira.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.