Abagore bo muri Sinema bashinze ikipe ya Football ngo barwanye umubyibuho

Abagore babarizwa mu mwuga wa Sinema Nyarwanda bishyize hamwe bashinga ikipe y’umupira w’amaguru bagamije gukorera hamwe Siporo ndetse no kurwanya umubyibuho.

Ni ibintu bidasanzwe mu Rwanda kumva nk’ikigo runaka gishinga ikipe y’abagore gusa byumwihariko mu mukino w’amaguru ‘Football’.

Abagore bo muri Sinema ibi barabikoze bashinga ikipe y’abo izajya ikora imyitozo kabiri mu kwezi igakorera kuri Stade Amahoro I Remera.

Uwimana Hamida umwe mu bagize igitekerezo cyo gushyiraho iyo kipe aganira na Genesisbizz yavuze ko kwihuriza hamwe nk’abagize umwuga wa Sinema bagakora ikipe y’umupira w’amaguru ari uko basanze Siporo ikenewe.

Ati “Siporo ituma umuntu agira ubuzima buzira umuze ari nabwo twihurije hamwe nk’abantu dusanzwe dufite ibiduhuza by’umwihariko ababyeyi bizadufasha kuko hari igihe usanga tubyibushye cyane ariko ni dukora siporo bizashira kandi bitwongerere n’ikizere mu kazi dukora.”

Uyu munsi bahereye ku mukino w’amaguru (Football) ariko ngo bazagenda bongeramo n’indi mikino ngororamubiri inyuranye harimo n’uwo koga.

Ati “Icyo bizadufasha bizongera urukundo muri twe kumenyana byisumbuyeho gukundana, gushyigikirana no kugira ubuzima bwiza.”

Kubera aribwo bagitangira gukora imyitozo avuga ko bataragera ku rwego rwo kuba batumira indi kipe ngo bakine.

Avuga ko ubu biciyemo amakipe abiri ubwabo bagendeye ku kigero cy’imyaka, ubu iyo bari gukina ngo ababyeyi bari hejuru y’imyaka 45 bahura n’abari munsi bagifite agatege.
Ati “Nitumara kumenyera neza cyane tuzajya dutumira n’abandi babyeyi mu byiciro binyuranye ubundi dukine n’abo.”

Ikipe y’abo igizwe n’abagore gusa kandi nabwo bakora umwuga wa Sinema, ubu abanyamuryango bamaze kuba 60.


Bavuga ko hari igihe kizagera bakajya batumira andi makipe y’abagore


Intego y’abo ni ukurwanya umubyibuho no kurushaho kumenyana byimbitse

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO