Abahanzi 10 bagukundisha umuziki Nyarwanda mu mboni za Makeda

Uko imyaka ishira niko umuziki nyarwanda ugenda utera imbere haba mu miririmbire ndetse no mumikorere yazo, muri iyi inkuru tugiye kwifashisha ni ubushashakatsi bwakozwe n’umunyamakurukazi akaba n’umudj Makeda Mahadeo aho yakoze urutonde rw’abahanzi 10 b’abanyarwanda batanga icyizere ku hazaza h’umuziki Nyarwanda.

Injyana zijya zigira ibihe byazo zigakundwa, n’abahanzi bakagira igihe cyo gukundwa. Kuri ubu hari abahanzi nyarwanda bari mu bagaragaza ko bafite ahazaza heza mu muziki batangiye.

Mu mboni z’umunyamakuru akaba n’umu Dj Makeda yatangaje abahanzi 10 batanga icyizere cy’ejo hazaza ku muziki Nyarwanda cyangwa se abahanzi wakumva indirimbo zabo bigatuma ukunda umuziki Nyarwanda.

Yagize ati "Muri iyi minsi hano mu Rwanda hari abahanzi nka Bushali, Kivumbi King, Rita Ange Kagaju na Alyn Sano bagiye bashyira akamenyetso ku mpinduka za muziki nyarwanda kubera ubuhanga bakomeje kugarageza muri byose."

Makeda yakomeje agira ati “Muzika igezweho mu Rwanda ikomeje gutera imbere cyane kurusha mu myaka yashize kuva ku muziki gakondo w’uje amajwi meza kugeza ku njyana y’urubyiruko ya ’KinyaTrap’ iri mu zikunzwe cyane mu gihugu hose ndetse no hanze cyacyo."

Usubiye inyuma mu myaka nk’icumi umuziki w’u Rwanda wagiye urangwa n’ibitaramo mpuzamahanga byitabirwaga n’abahanzi bakomeye bavuye hanze wareba ugasangamo abahanzi bake b’iwacu ariko kubera iterambere rikomeje gukataza ibintu byatangiye guhinduka cyane aho abahanzi b’urungano rushya (New Generation) batangiye kwigaragaza.

Muri iyi myaka itanu ishinze hano mu Rwanda hagaragaye abahanzi b’urungano rushya (New Generation). Bagaragaje ubuhanga buhambaye mu ndrimbo zabo bagiye baririmba mu njyana zitandukanye kandi zigezweho ndetse ziri no mu ndimi enye zose zikoreshwa hano iwacu.

Uru rutonde rw’urungano rushya rwakozwe na Makeda

Tugiye kubagezaho urutode rw’ abahanzi 10 b’urungano rushya (New Generation) bazanye impinduka muri muzika y’u Rwanda kubera ubuhanga bw’amajwi yabo.

1. Bushali niwe ufatwa nk’umwami wa ’KinyaTrap’ yinjiranye ingufu zidasanzwe mu ruhando rwa muzika nyarwanda aho yaje agahita yamamara cyane, kugeza ubu injyana ya trap ikaba arimwe mu zikunzwe n’urubyiruko kubera itandukanyirizo ry’uko ahindura ijwi rye mu ndirimbo ze cyangwa izo yakoranye na bandi urugero nk’indirimbo ebyiri aheruka gushyira hanze vuba zirimo "WAPFA" na "Amakosa."

2. Kaya Byinshii nawe ni urungano rushya akora injyana ya trap yatangiye muzika ye mu mwaka ushize wa 2020 aho yashyize hanze EP ye yise ’ Nyabyinshi’, ni umukobwa ufite ubuhanga buhebuje kuko atangaza ibitekerezo bye n’amarangamutima ye mu ijwi ridasanzwe, ahamagarira abamwumva kumuvugisha kuri buri murongo mu gihe intege nke ziwe zigaragara. Yasohoye amashusho yindirimbo ye ya EP, "5AM," gusa iyakunzwe n’abanyarwanda niyo yakoranye na Bushali yise “Ibyejo”

3. Munyakazi Deo Ntibisanzwe kubona umuntu ukiri muto akomeza kuba umwizerwa mu muziki gakondo mu gihe yongeyeho uburyo bwe butagira inenge nkuko abikora. Deo yatangiye gucuranga ’Inanga’ (igikoresho gakondo cy’u Rwanda gisa na gitari) kandi aririmba mu njyana n’imiterere y’abakurambere; injyana yongeyeho jazz spin kugirango akore ikintu gishya kandi gishimishije.

4.Kivumbi King Nawe yiyongera mu bahanzi bakiri kuzamuka ariko bakoresha ingufu nyinshi mu njyana ya afrobeat ndetse na Trap afite ubuhanga buhebuje ku buryo yigaruriye imitima ya benshi ikimenyimenyi warebera ku ndirimbo ye yise Maso y’Inyana ifitemo injyana gakondo. Avuga ko mu minsi ishize ibijyanye no kuririmba atabishyiragamo imbaraga cyane, ku buryo nyinshi mu ndirimbo ze usanga abantu batazizi cyane, ahubwo ngo yari ahugiye mu busizi bw’Imivugo.

Kuri ubu, Lion King, avuga ko afitiye byinshi abakunzi b’indirimbo ze, ndetse ko afite gahunda yo kuzimenyekanisha cyane, zikagera kuri benshi kuko ubutumwa atanga, bureba abantu mu byiciro binyuranye.

5. Mike Kayihura Ni umwe mu bahanzi nyarwanda bamaze kubaka izina ndetse no kwigarurira imitima ya benshi kubera ubuhanga afite bwo kwicurangira piano ndetse akanabitanaya no kuririmba. Mike yamenyekanye cyane ubwo yakundaga gusubiramo indirimbo z’umwimerere nkiza Bob Marley. Uyu musore yaje kwongera kwerekana ubuhanga bukomeye ubwo yashyiraga hanze indirimbo yise ’Sabrina’ ndetse na ’Anytime’ igezweho ubu aririmba mu ndimi ebyiri icyongereza n’Ikinyarwanda usibye ko ajya acishamo akaririmba no mu Gifaransa.

6. Angel Mutoni Uyu mukobwa kuva ku ijambo rivuzwe kugeza ku ijwi ni umwe mu bahanzikazi bakora ibishoboka kugira ngo ibikorwa bye byigaragaze cyane n’ubwo muri ibi bihe bya gahunda za guma mu rugo ndetse no kurwanya icyorezo cya COVID-19 byari bigoranye ku bahanzi benshi bakizamuka gukora indirimbo zabo we mu mwaka ushize yakoresheje ingufu nyinshi akora indirimbo yise ’Let Loose’ yakoranye na mugenzi we Kevin Klein.

7. Rita Ange Kagaju Ni umukobwa ufite ijwi rihebuje ushobora gukenera kumva kenshi gashoboka aheruka gushyira hanze indirimbo yise “You are mine’ yiganjemo cyane ibisobanuro kubyerekeranye n’imbyino zo mu mpeshyi uyumvise wese ashobora gutekereza ko ari yo mu kindi gihugu icyo aricyo cyose kw’isi.

8. Davis D yamenyekanye cyane mu ndirimbo ye yise "Dede" mu mpera za 2019, kuva icyo gihe, uyu musore yakomeje kugenda akora indirimbo zigakundwa urebeye ku ndirimbo aherutse gushyira hanze yise "Pose" iri muzatumye yigarurira imitima ya benshi muri Afurika y’iburasirazuba.

9. Alyn Sano Yatangiriye ubuzima bwo kuririmba mu mahoteri ndetse no mu tubyiniro dutandukanye mu mujyi wa Kigali aho yamenyekanye cyane mu bahanzi bataramiraga abantu ku mugoroba bavuye mukazi akaza gukundwa cyane kubera ijwi ryuje ubuhanga buhebuje, ibi byatumye mu myaka ibiri ishize uyu mukobwa uririmba indirimbo nyinshi ziri mu majwi atandukanye yinjira mu cyiciro cy’abahanzi bakiri bato bakunzwe cyane byanatumye agira amahirwe yo kwitabira amarushana akomeye mu minsi ishize ya the Voice Afrique, imwe mu ndirimbo afite zikunzwe cyane muri iyi minsi ni Kontrola.

10. DJ Marnaud Ni umwe mu basore binjiranye ingufu nyinshi mu muziki nyuma yo gukorana indirimbo na bamwe mu bahanzi ba hano mu Rwanda nka Active, King James na Uncle Austin.

Ubusanzwe uyu yari yaramenyekanye cyane ubwo yari mu itsinda rya abadjs rya Dream Team yabanagamo na nyakwigedera Dj Miller, kugeza ubu amaze gukora indirimbo nyinshi zirimo "Mundemere" nayo izaba iri kuri EP yise umuhungu w’u Rwanda.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO