Hatangajwe Abahanzi Nyarwanda bazaririmbana na Koffi Olomide I Kigali

Abahanzi Nyarwanda barimo King James, Yvan Buravan na Chris Hat nibo bamaze gutangazwa ko bazifatanya na Koffi Olomide mu gitaramo azakorera I Kigali mu mpera z’iki cyumweru.

Abategura icyo gitaramo barimo Ubuyobozi bwa Intore Entertainment bamaze kwemeza ko abo aribo bahanzi bazakorana na Koffi mu gitaramo kizaba taliki ya 4 Ukuboza 2021.

Iki gitaramo cyabanje gukurura impaka bitewe n’ibyo Koffi ashinjwa byo gufata abakobwa ku ngufu aho bamwe basabaga ko cyahagarikwa uyu muhanzi ntaze mu gihugu.

Abagiteguye ntabwo baciwe intege nibyo byavugwaga ahubwo bahise baboneraho no kongeramo abandi bahanzi bo mu Rwanda harimo Kin James, Chris Hat na Yvan Buravan we usanzwe akorana by’umwihariko na Intore Entertainment yateguye iki gitaramo.

Biteganyijwe ko Koffi Olomide azataramira muri Kigali Arena ku wa 4 Ukuboza 2021.
Kwinjira mu gitaramo cya Koffi Olomide bizaba ari 10.000 Frw mu myanya isanzwe, 30.000 Frw muri VIP na 50.000 Frw muri VVIP.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO