Mercedes-Benz Fashion Week Kigali iri kubarizwamo uruhurirane rw’Abahanzi b’imideli

Aba bahanzi bose b’imideli baturutse mu bice bitandukanye hirya no hino ku isi, ndetse barimo kubarizwa mu birori bya Mercedes-Benz Fashion Week Kigali, aho irimo kuba ubugira kabiri.

Iki gikorwa cyatangiye kuwa Mbere Taliki ya 16 Gicurasi 2022.

Ni igikorwa kigomba kumara hafi iminsi igera kuri 5 ndetse hateganyijwe kuberamo ibikorwa bitandukanye birimo inama igomba guhuza abo mu ruganda rw’imideli, imurikagurisha, ibikorwa byo kumurika imideli n’ibindi bitandukanye.

Ibi bikorwa byitabiriwe n’abantu barenga 100 baturutse mu bihugu bitandukanye nk’uko Daniel Ndayishimiye usanzwe ari umuyobozi wa Mercedes-Benz Fashion Week Kigali yabitangarije itangazamakuru mu minsi ishize.


Harimo abafite inzu zihanga imideli zitandukanye, abo barimo Dmarsh Couture na Qaal Design muri Leta Zunze Ubumwe za Amerika; hari abo muri Ghana nka Zulera Couture, Bushai Weave, Arshia Wilson, Stallion Outlook, Quophie Akotua hamwe Abrantie The Gentleman.

Abanyarwanda kandi barimo kubarizwa muri iki gikorwa harimo Boldy Bonza, Delphinez, Kamakiza Couture, Fathia Collection na Elomelo n’abandi.

Harimo kandi Bylilly uzaturuka muri Kenya, Mary Martin London wo mu Bwongereza, Lord Gilles wa Canada, Lily Alfonso wo muri Malawi ndetse na Zado Design wo muri Tanzania.

Mercedes-Benz Fashion Week Kigali yagombaga kuba mu mwaka wa 2020 n’umwaka wa 2021 irasubikwa kubera icyorezo cya Covid-19.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO