Abakinnyi b’ikipe y’U Rwanda ya Basketball bashyikirijwe ibendera ry’igihugu mbere yo kwerekeza muri Senegal

Ku mugoroba wo kuri uyu wa gatanu, Minisitiri wa Siporo, Munyangaju Aurore Mimosa yashyikirije abakinnyi b’ikipe y’igihugu y’U Rwanda ya Basketball ibendera ry’igihugu mbere yo kwerekeza muri Senegal mu mikino yo gushaka tike y’igikombe cyisi cya 2023.

Minisitiri Aurore Mimosa yijeje aba bakinnyi ubufasha bwose buturutse muri Leta biciye muri Minisiteri ya Siporo, gusa abibutsa ko bagomba guhesha ishema U Rwanda mu mikino bagiyemo.

Ikipe y’igihugu y’U Rwanda irahaguruka saa tanu z’ijoro, aho irahita yerekeza Dakar muri Senegal ari naho izakinira iyi mikino yo gushaka tike y’igikombe cyisi cya 2023.

U Rwanda ruri mu itsinda rimwe na Sudan y’Epfo, Tunisia na Cameroon, muri buri tsinda hazazamuka amakipe abiri azahita akomeza mu ijonjora rya kabiri ryo gushaka tike y’igikombe cy’isi cya 2023 kizabera muri Indonesia, Japan, na Philippines.

Uko gahunda y’imikino U Rwanda ruzakina iteye:

Tariki ya 25 Gashyantare 2022: Rwanda VS Sudani y’Epfo
Tariki ya 26 Gashyantare 2022: Rwanda VS Cameroon
Tariki ya 27 Gashyantare 2022: Rwanda VS Tunisia

Iyi mikino yose izabera kuri Dakar Arena muri Senegal.


Kapiteni w’ikipe y’igihugu y’U Rwanda ya Basketball, Shyaka Olivier


Minisitiri wa Siporo, Munyangaju Aurore Mimosa yasabye abakinnyi guhesha ishema U Rwanda

Akanyamuneza kari kose ubwo Minisitiri wa Siporo yasuraga ikipe y’igihugu

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO