Abakinnyi ba Liverpool bahishuye ibanga Klopp yababwiye bigatuma batsinda Villarreal

Iminota 45 y’igice cya mbere cy’umukino yarangiye Liverpool yatsinzwe ibitego 2 ndetse umukino wari wamaze gusubira rudubi gusa umutoza Jurgen Klopp wa Liverpool yahise abwira abakinnyi ibanga bagomba gukoresha mu gice cya kabiri.

Myugariro wa Liverpool ariwe Trent Alexander Arnold yatangaje ko umutoza Jurgen Klopp atigeze yishimira uburyo iyi kipe yakinnye igice cya mbere gusa yahise ngo ashishikariza abakinnyi gukina umukino wabo basanzwe bakina.

Van Dijk nawe yavuze ko umutoza Jurgen Klopp yabasabye gukina umukino wabo mu gice cya kabiri ndetse ababwira ko ikipe bahanganye ifite ubwugarizi bukomeye gusa abibutsa ko bakwiye gukina umukino wabo wo kwihuta.

Ndetse ngo yakomeje ababwira ko bagomba gufata umupira bagahita birukanka cyane kugirango bateshe umutwe Villarreal.

Iminota 60 y’umukino yageze amakipe yombi anganya gusa mu minota 30 yakurikiyeho Liverpool yahise itsinda ibitego 3 bityo umukino urangira ku bitego 3-2 Liverpool igera ku mukino wa nyuma ityo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO