Abanyuma bazaba abambere!kuri ubu umutoza wa Manchester United yashyizwe mu batoza bazatoranywamo umwe wahize abandi muri uku kwezi

Nyuma y’aho ikipe ya Manchester United ibanje kugorwa n’intangiriro za shampiyona y’Ubwongereza kuri ubu umutoza wayo ukomoka mu gihugu cy’Ubuholandi Erik Ten Haag yamaze gushyirwa ku rutonde rw’abatoza bazazatoranywamo umutoza w’ukwezi kwa Nzeli nyuma yo kwitwara neza mu mikino ikipe ye imaze gukina muri uku kwezi.

Ntabwo bitunguranye kubona umutoza wa Manchester United Ten Haag ashyirwa muri aba batoza bashobora gutoranywamo umwiza w’uku kwezi bijyanye nuko yabashije gutsinda ikipe ya Arsenal ndetse anisasira n’ikipe ya Leicister City.

Nubwo hari imikino yaharitswe kubera itanga ry’Umwamikazi Elizabeth gusa imyitwarire ya manchester united ku makipe bakinnye muri uku kwezi yabaye imyitwarire myiza ku buryo nta gushidikanya ko iyi kipe yitwaye neza.

Kugeza magingo aya nta mutoza wa Manchester United uheruka gutwara iki gihembo icyakora ugiheruka vuba ni Ole Gunnar Solskjaer wagitwaye mu mwaka wa 2019 mu kwezi kwa Mutarama.

Gusa uwahoze atoza ikipe ya Manchester United ariwe Sir Alex Furgerson niwe waciye agahigo ko gutwara iki gihembo kuko yabashije kucyegukana inshuro zigera kuri 27 mu gihe yamaze atoza iyi kipe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO