Abanditsi ba Sinema mu Rwanda bishimiye urubuga bafunguriwe

Tariki ya 26 Ugushyingo 2021 muri City Innovation Center iherereye muri IPRC ku kicukiro nibwo hatashywe ku mugaragaro urubuga rwa Vugafrica.rw rugamije gufasha abanditsi ba Sinema mu Rwanda ndetse n’abo muri Afurika kugurisha inkuru zabo ku bazifuza.

Iki gikorwa cyateguwe ku bufatanye bwa Vuga Africa Intitiative ndetse n’ihuriro ry’abanditsi ba Sinema mu Rwanda, cyitabiriwe na bamwe mu banditsi ba sinema n’abandi benshi bafite aho bahurira na Sinema nk’Itangazamakuru ndetse na bamwe mu bakinnyi ba sinema nyarwanda.

Mu kiganiro na Genesisbizz Niyomwungeri Aaron Umuyobozi mukuru wa Vugafrica.rw akaba asanzwe ari Umuyobozi Mukuru w’ Ihuriro ry’abanditsi ba filime mu Rwanda yadutangarije ko nyuma yo kubona ingorane n’imbogamizi abanditsi ba sinema mu Rwanda bahurahaga nazo batekereje ikintu bakora kugira ngo abo banditsi ibikorwa byabo bihabwe agaciro kandi bagire icyo bakuramo haba hano mu Rwanda cyangwa muri Afurika yose .

Yakomeje agira ati “Uru rubuga rwa Vugafrica.rw ruje ari igisubizo ku banditsi ba Sinema kuko bafitemo uruhare runini cyane kuko nibo bazajya bagena amafaranga inkuru (script ) banditse izajya igurwa."

Avuga ko kuyo bazajya baba bishyuye umwanditsi azajya atwara ho amafaranga ye andi agahabwa urubuga bitewe n’ubwumvikane cyangwa ibizajya biba bikubiye mu masezerano.


Umuhango wo kumurika urubuga rwa Vugafrica.rw wari witabiriwe cyane

Mazimpaka Kennedy ni umwe mu bitabiriye.


Bwana Niyomungeri Aaron umuyobozi w’Ihuriro ry’abanditsi ba sinema mu Rwanda asobanura uko urubuga rukora


Bamwe mu bagize uruhare mu ikorwa ry’Urubugwa rwa www.vugafrica.rw

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO