Abankunda ntibazicwa n’irungu ahubwo baraje banyinube – Scillah

Umuratwa Priscillah usigaye akoresha izina rya Scillah mu muziki nyuma yo gusohora indirimbo yitwa ‘Kakageste’ yavuze ko ubu abakunzi be nta kongera kwicwa n’irungu ko agiye gukora cyane kugeza bamwinubye.

Uyu muhanzikazi yakunzwe na benshi cyane byumwihariko mu ndirimbo nka “Biremewe, Icyo mbarusha, Nkeneye umukunzi, Nka paradizo” n’izindi.

Uyu mukobwa uba muri Leta Zunze Ubumwe za Amerika mu cyumweru gishize yasohoye indi ndirimbo nubwo yagiye anyuramo hagacamo igihe abamukunda baramubuze bitewe no kudasohora indirimbo cyane nkuko bari basanzwe babimuziho.

Aganira na Genesis TV yavuze ko ubu azanye imbaraga nyinshi nta kuzongera gutinzamo mu gusohora indirimbo.

Ati “Gahunda yo kwicwa n’irungu ku bakunzi banjye yararangiye ubu naje nje mfite gahunda yuko nzagera aho abantu banyinuba.”

Ku ndirimbo ye nshya “Kakageste” yavuze ko yayikoze ashaka ko umuntu uyumvise anyeganyega.

Ati “Irimo amagambo y’urukundo asa n’umenyesha uwo ukunda ko umwiyumvamo kandi nawe ugasaba ko yakwereka ko nawe akwiyumvamo.”

Yasoje asuhuza Abanyarwanda aho bari hose kandi aboneraho no kubashimira kubwo kumufasha. Abasaba gukomeza kumushyigikira mu bikorwa bye ndetse n’umuziki Nyarwanda muri rusange.


Scillah avuga ko ubu nta rungu azongera guteza abafana be

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO