Abanyamakuru Mwanafunzi, Gentil Gedeon na Munana bahuje imbaraga

Abanyamakuru bakunzwe mu biganiro by’inkuru zicukumbuye ‘Ismael Mwanafunzi, Ntirenganya Gentil Gedeon na Muhire Munana’ bahuje imbaraga aho bazajya bakorana ibiganiro mucyo bise Trio Rumurika.

Ismael Mwanafunzi na Muhire Munana basanzwe ari abanyamakuru ba Televiziyo na Radio Rwanda, naho Gentil Gedeon we yaherukaga kumvikana akora kuri Kigalitoday kuko yamaze no kuhasezera.

Kuba bakunzwe mu biganiro by’ubucukumbuzi, haba mu buzima, Politike, Ubukungu, Ikoranabuhanga, amateka n’ibindi byatumye batekereza kwihuriza hamwe kugirango barusheho guha abantu ibintu byiza.

Gentil Gedeon waganiriye na Genesis TV yavuze ko iki gitekerezo bari basanzwe bagifite ariko biza gushyirwamo imbaraga na Munana basanga ibyo bintu ko ari ingenzi kuko basanzwe ari inshuti.

Ati “Kwihuza bizadufasha guhuriza hamwe ibitekerezo byacu mu gukora Inkuru zicukumbuye, kuko buri wese yari asanzwe afite ibyo akora. Izo mbaraga zizahurizwa hamwe mu gutanga amakuru meza kurusha uko twabikoraga mbere. Abanyarwanda bagiye kumva amakuru meza twese tuzajya duhuriraho.”

Akomeza avuga ko bazajya bakora ibyegeranyo mu bintu bitandukanye. Ati “Icyo twizera, ni uko icyo twakoraho neza cyose cyashimisha abanyarwanda.”

Ibiganiro bazajya bakora bizajya binyura ku rubuga rwa You tube rwitwa Trio Rumurika gusa uko iminsi izagenda yicuma hazajya habaho impinduka. Nubwo bazakora ibyo biganiro ntabwo bivuze ko aho bakoraga bahavuye ngo naho bazakomeza kuhakorera nkuko bisanzwe.

Munana, Mwanafunzi na Gentil Gedeon bazajya bakorana ikiganiro

Integuza y’ikiganiro bazakorana

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO