Abanyamuryango ba Kiyovu 70 basabye kongera ingingo yo guhindura amategeko mu nteko rusange

Abanyamuryango b’ikipe ya Kiyovu Sport bagera kuri 70 bamaze kwandikira komite nyobozi iyoboye iyi kipe, bayisaba ko mu nama y’inteko rusange izaba mu cyumweru gitaha hakongerwamo n’ingingo yo kuvugurura amatora y’abanyamuryango b’iyi kipe.

Kiyovu Sport ifite inama y’inteko rusange y’abanyamuryango kuri iki cyumweru tariki 27 Nzeri 2020 mu biro by’umujyi wa Kigali.

Aya makuru yamenyekanye ubwo amabaruwa ya bamwe mu bayobozi b’iyi kipe muri rusange batangazaga ko bifuza ko ubuyobozi bw’iyi kipe bwavugurura amatora, ibyari byaganiriweho mu nama y’inteko rusange yabaye mu kwezi kwa Kanama ntibyemezwe.

Bamwe mu banyamuryango ba Kiyovu Sport bagera kuri 70 barasaba ko byibura havugururwa itegeko rivuga ko umuntu ugiye kwiyamamaza kuba perezida w’iyi kipe agomba kuba byibura amaze amezi ari hejuru y’atandatu ari umunyamuryango wa Kiyovu Sport.

Amakuru agera kuri Genesis ahamya ko ibi biri gukorwa na bamwe batifuza ubuyobozi buriho buyobowe na Muzehe Mvuyekure Francois, aho bavuga ko bugomba kuvaho bugasimbuzwa ubundi buzaba buyobowe na Juvenal washoye amafaranga mu kubaka Kiyovu muri uyu mwaka.

Kiyovu Sport iri kwitegura inama y’inteko rusange iteganyijwe kuba kuri iki cyumweru tariki 27 Nzeri ikabera mu biro by’umujyi wa Kigali biri mu mujyi rwagati.

Mu ibaruwa baherutse guha abanyamuryango ibatumira muri iyo nama y’inteko rusange, bababwiye ko ingingo izigirwamo aruko abanyamuryango bazatora komite nshya ya Kiyovu Sport izayiyobora mu gihe kiri imbere.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO