Abanyarwanda begukanye ibihembo mu iserukiramuco rya Filime I Ouagadougou

Filime z’Abanyarwanda zegukanye ibihembo mu iserukiramuco rya Panafrican Film and Television Festival of Ouagadougou (Fespaco) ryabereye muri Burkina Faso.

Filime eshatu z’Abanyarwanda zari ku rutonde rw’izihataniye aho zari muri 239 zakozwe n’Abanyafurika zari zihatanye mu byiciro bitandukanye.

Ibi bihembo byatanzwe mu ijoro ryo ku wa Gatandatu tariki 23 Ukwakira 2021 mu Mujyi wa Ouagadougou muri Burkina Faso.

Abanyarwanda begukanye ibihembo harimo Kantarama Gahigiri, Fafin Allaih na Mutiganda wa Nkunda.

Umunyarwandakazi Kantarama yegukenye igihembo cyiswe ‘Paulin d’Or’, ari nacyo nyamukuru mu cyiciro cya filime ngufi (short film documentary).

Yegukanye iki gihembo abicyesha filime ‘Ethereality’ yakiniwe mu Busuwisi ahitwa Winterthur.
Alliah Fafin ni undi wegukanye igihembo cyiswe ‘Poulin d’argent’, kikaba igihembo cya kabiri mu cyiciro cya filime ngufi (short film fiction).

Mutiganda wa Nkunda yegukanye igihembo cya Filime ndende ariko yanditswe neza.
Fespaco ni iserukiramuro rikomeye kurenza andi maserukiramuco abera ku Mugabane wa Afurika, ribera mu Mujyi wa Ouagadougou muri Burkina Faso buri myaka ibiri kuva mu 1972.


Kantarama Gahigiri yegukanye igihembo abikesha filime ye Ethereality


Mutiganda wa Nkunda wanditse izirimo Seburikoko na City maid nawe yegukanye igihembo

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO