Abanyarwanda bitabiriye “East Africa’s Got Talent” bashinze itsinda

Uruyange rw’intayoberana, Itsinda ry’abavuza ingoma rya Himbaza n’abahanzi barimo Elisha The Gift na Peace Hoziyana bitabiriye irushanwa rya East Africa’s Got Talent bashinze itsinda ryitwa Imbaraga mu rwego rwo kuzamurana no gufasha izindi mpano.

Aba bombi bishyize hamwe ni abagiye bagarukira mu cyiciro kibanziriza icya nyuma (semi final) ndetse no mu cyiciro cya nyuma mu irushanwa rya East Africa’s Got Talent.

Mu rwego rwo gutangiza iryo tsinda babanje gukorana indirimbo bise ‘Imbaraga.’ Igitekerezo cyo kwihuriza hamwe cyazanywe na Elisha The Gift.

Aganira na Genesisbizz yavuze ko yatekereje ko abo banyuranye muri iri rushanwa bakwihuriza hamwe kugirango impano zabo zitazima.

Ati “Nyuma yo kuva mu irushanwa twabaye nkabibagirana rero nibwo nashatse ko twakora itsinda rigamije kuzamura impano twagaragaje ariko tukajya dufasha n’abandi kugirango batinyuke.

Abageze kure mu irushanwa nabibagejejeho barabyumva ndetse barananshyigikira kugirango tugire ibyo twerekana Abanyarwanda babone ko duhari.

Ni itsinda nifuza ko riba ikintu kinini kizajya gitegura n’ibindi bikorwa byo gushyigikira impano zo hirya no hino ku buryo benshi bazajya bitabira East Africa’s Got Talent bazajya batuvamo.”

Iyi ndirimbo yakorewe muri Studio yitwa EF Record ibarizwamo uyu muhanzi Elisha The Gift naho amashusho yayo akaba azakorwa na Muhire Visuals. Biteganyijwe ko izasohoka mu cyumweru gitaha.


Indirimbo bahuriyemo bayise imbaraga

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO