Abanyarwandakazi ku isonga mu bazamurika imideli muri Paris Fashion Week

Abanyamideli b’abanyarwandakazi bagera kuri barindwi bamaze kwerekeza ku mugabane w’Iburayi aho bazamurika imideli muri Paris Fashion Week mu Bufaransa na Milan Fashion week ibera mu Butaliyani.

Abo bakobwa batumiwe muri ibyo birori ni “Christine Munezero, Isheja Morella, Ikirezi Kentha, Umutoni Ornella, Ines Pamela” n’abandi babiri b’Abarundi aribo “Louange Lydia na Girukwishaka Jennifer.”

Milan Fashion week yo yatangiye kuya 23 Nzeri biteganyijwe ko iza gusozwa kuri uyu munsi aho uwitwa Munezero Christine yamaze kwiyerekana ahamurikira imideli. Aho yakoreye inzu yitwa Max Mara yo mu Butaliyani.

Paris Fashion week biteganyijwe ko izatangira taliki ya 28 Nzeri isozwe kuya 5 Ukwakira 2021.

Kabano Franco uhagarariye Webest Model Management akaba ari nayo yagize uruhare runini rwo kohereza abo ba Model avuga ko uyu mwaka bohereje amasura mashya azagaragara cyane muri Paris Fashion Week kuko ariyo ikomeye ku Isi.

Ati “Biba byiza iyo bakoze bwa mbere bari ahantu hakomeye kugirango amazu atunganya imideri hirya no hino ku isi ababone bwa mbere muri ibyo bitaramo bityo bagire amahirwe menshi yo kubengukwa nabo kuko baba bagaragaye muri icyo gitaramo gikomeye.”

Avuga ko abo bakobwa bose bafite amasezerano atandukanye haba muri ‘Milan, Paris, London, New York, Barcelona, Madrid, Berlin, Sidney na Los Angeles’ aho hose ngo habahesha amahirwe yo kuba bahajya kuhamurikira imideli mubihe bitandukanye.

Kugirango babone ayo masezerano nabwo byakozwe na Webest Model Management hamwe na Sarah Nynthia.

Franco ati “Bivuze byinshi kuri twebwe kuko uretse guteza imbere modeling twishimira urwego tugezoho muri uyu mwuga twahisemo cyane kubona dufasha abana kugera ku nzozi zabo bikaba byabaviramo kubona imibereho myiza ndetse no kwiteza imbere ubwabo, imiryango yabo ndetse n’ibihugu baturukamo.”

“ Ikindi ni uko ibyo tutabashije gukorerwa cyera tukira aba models ubu twe tubasha kubikorera abo tuyobora. Muri macye kuri twe ni inzozi zabaye impamo. Dutewe ishema no guteza imbere ibyo kumurika imideli ku ruhando mpuzamahanga kandi abo dukorana nabo batangazwa cyane n’imikorere yacu.”

Intego ya Webest Model Management ni ugushakisha impano, kuzitegura, kuzishakira amasezerano mpuzamahanga no guhangana n’isoko ryo kumurika imideli kuruhando mpuzamahanga.

Abakobwa bazaserukira u Rwanda mu kumurika imideli


Munezero Christine ubwo yamurikaga imideli muri Milan Fashion Week

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO