Abanyarwenya barimo Clapton Kibonge bizihije umunsi w’Irayidi mu myambaro ya Isilamu

Abanyarwenya bakunzwe cuyane hano mu Rwanda barimo Clapton Kibonge,Rusine n’abandi batandukanye bizihije umunsi w’Irayidi bambaye imyambaro y’Abasilamu kandi ari ukubiyitirira.

Uyu munsi kuwa 02 Gicurasi 2022,abayoboke bose b’idini ya Isilamu bagomba gusoza igisibo bari bamazemo iminsi itari mike dore ko ukwezi kwari kwihiritse bari mu gisibo.

Ubusanzwe iyo Abasilamu basoza igisibo bategura ibirori bitandukanye birimo kwishima hagati yabo cyangwa bakishimana n’inshuti zabo muri rusange bishimira ko basoje igisibo amahoro.

Mu gisibo kandi Abasilamu basaba Imana ngo yakire ubusabe bwabo mu minsi baba bamaze bigomwa aho barangwa no gukora ibikorwa bitandukanye by’urukundo.

Ni iminsi irangwa n’ibikorwa bitandukanye by’urukundo birimo kwigomwa, gufasha, ndetse n’ibindi bikorwa ibyo aribyo byose bishobora gushyigikira abantu batishoboye mu buzima bwabo.

Gusa inkuru ikomeje gucicikana ku mbuga nkoranyambaga ni amafoto y’abanyarwenya batandukanye barangajwe cyane na Clapton Kibonge ugaragara yambaye imyenda y’Abasilamu ndetse yaniyise amazina yabo.

Uyu musore akomeje kwigaragaza nk’umuyoboke ukomeye wa Isilamu aho agaragaza ko yifatanyije na bagenzi be mu gusoza iki gisibo kuburyo abatamuzi bashobora kugirango asanzwe ari Umusilamu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO