Abanyempano bashyizwe igorora kuko Iganze Event Company yateguye irushwanwa ryiswe Gakondo Talent Competition rigamije kuzamura impano muri Gakondo

Kompanyi yitwa Iganze Event Company yatateguye irushanwa rigamije gushyigikira abanyempano batandukanye bafite impano yo kuririmba indirimbo za Gakondo ndetse kuri ubu abafite impano barasabwa kwifata nibura amashusho y’umunota umwe baririmba indirimbo Gakondo maze nyuma bakamenyesha Iganze Event kuri Instagram (Tag)

Ubwo Genesisbizz yaganiraga n’uhagarariye Iganze Event Company bwana Niganze Lievin yatangaje ko intego nyamukuriu y’iri rushanwa ari ukurushaho gufasha no kuzamura impano zitandukanye z’abantu baririmba Gakondo.

Ubwo kandi bwana Lievin yabazwaga niba kwitabiria iri rushanwa bisaba imyaka runaka umuntu yaba atarengeje mu magambo ye yahamije ko iri rushanwa ritareba ikigero runaka cy’imyaka ahubwo ngo icyambere ni impano umuntu agaragaza.

Abantu bafite impano zo kuririmba Gakondo bashobora gutangira kwifata amashusho y’umunota umwe ndetse bakayashyira kuri Instagram zabo kuva Kuwa 25 Ugushyingo ndetse nyuma yo gukora Tag kuri Iganze Event bizatuma iyi Kompanyi ibasha kubona ibyo buri umwe yakoze.

Iri rushanwa rizashyirwaho akadomo kuwa 25 Ukuboza 2022 aho abatsinze bazatangazwa ndetse bagashyikirizwa ibihembo byabo.

Kugeza ubu abantu batatu bazahiga abandi muri iri rushanwa bazahabwa ibihembo bikurikira:

1.Umuntu uzaba uwa Mbere azegukana amafaranga ibihumbi 50,000 Frw ndetse azanafashwa gutunganyirizwa indirimbo mu buryo bw’amajwi ku buntu.
2.Umuntu uzaza ku mwanya wa kabiri we azegukana amafaranga y’u Rwanda ibihumbi 30,000 Frw.
3.Uzaza ku mwanya wa Gatatu azahabwa amafaranga y’u Rwanda ibihumbi 20,000 Frw.

Icyakora umuyobozi wa Iganze Event yatangaje ko harimo gutekerezwa uburyo bwo kuba hakongerwa ibihembo bijyanye n’umubare w’abazitabira irushwanwa n’ibindi bitandukanye.

Kompanyi Iganze Event yashyize igorora abanyempano muri Gakondo aho yabateguriye irushanwa rigamije gufasha abafite impano muri Gakondo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.