Abanyempano icumi bageze mu cyiciro cya nyuma mu irushanwa rya Head’s Up

Irushanwa ry’umuziki rigamije kuzamura impano z’abahanzi bataramenyekana rya "Head’s Up music Competion" rigeze aharyoshye aho kuri uyu munsi hatangajwe urutonde rw’abanyempano icumi bari mu cyiciro cya nyuma.

Muri iri rushanwa hari hasigayemo abanyempano bagera kuri 39 kuko umwe yari yarasezeye muri iri rushanwa, gusa bari baranyuze imbere y’akanama nkemurampaka ariko bakomeza kugenda batorwa kuri murandasi.

Gutorwa byari bifite amanota angana na 50% mugihe akanama nkemurampaka ko kari gafite agera kuri 50%. Mu guhitamo abakomeje habayeho guhuza ayo manota yombi kugirango hasigaremo icumi ba mbere.

Aba icumi bakomeje bazarushanwa taliki ya 28 Ugushyingo ariko icyo gihe ntabwo hazatangazwa abakomeje kuko bazabanza bakajya no muri Studio buri umwe agakorerwa indirimbo bakagira nimwe bahuriramo ya rusange ijyanye n’irushanwa.

Izi ndirimbo ziri mu bizabahesha amanota cyangwa amahirwe yo kwegukana irushanwa kuko niho bagomba kugaragariza impano zabo bitewe n’uko bazaba bitwaye imbere ya Producer ndetse n’ubuhanga byumwihariko kuri izo ndirimbo bitewe nuko bagiye banazandika.

Icyo gihe nabwo hari izindi mpinduka zizabaho harimo ko abagize akanama nkemurampaka bazaba bafite uruhare rwa 60% kuruta noneho uko byari bimeze mbere.

Nyuma yo gukorerwa izo ndirimbo biteganyijwe ko hazongera hakabaho ku rushanwa ari nabwo hazamenyekana uwatsinze kuri uwo munsi. Hagahembwa batatu bazaba babaye aba mbere.

Uzegukana iri rushanwa azahabwa amafaranga y’u Rwanda angana na Miliyoni imwe anakorerwe indirimbo esheshatu harimo ebyiri zifite amashusho.

Uzaba uwa kabiri we azahabwa ibihumbi 500frw naho uwa gatatu we ahabwe ibihumbi 300frw

URUTONDE RW’ABAKOMEJE N’AMANOTA BAGIZE

1. IRADUKUNDA Fabiola amanota y’akanama nkemurampaka ni 40 naho mu gutorwa n’abaturage akaba afite 2121

2 . UWAJENEZA Cabella amanota y’akanama nkemurampaka ni 39 naho mu gutorwa n’abaturage akaba afite 3043.

3 . IYAKAREMYE MUGISHA Theoneste amanota y’akanama nkemurampaka ni 39 naho mu gutorwa n’abaturage akaba afite 2437.

4 . DUSENGE Jean Michel amanota y’akanama nkemurampaka ni 38 naho mu gutorwa n’abaturage akaba afite 1105.

5 . ASIFIWE Prince amanota y’akanama nkemurampaka ni 38 naho mu gutorwa n’abaturage akaba afite 757.

6 . NIYIBIZI Jean Claude amanota y’akanama nkemurampaka ni 37 naho mu gutorwa n’abaturage akaba afite 980.

7 . Ellie MANIRAGUHA amanota y’akanama nkemurampaka ni 33.5 naho mu gutorwa n’abaturage akaba afite 909.

8 . MUGISHA Prince amanota y’akanama nkemurampaka ni 30.5 naho mu gutorwa n’abaturage akaba afite 958.

9 . UMWALI INEZA Henriette amanota y’akanama nkemurampaka ni 30 naho mu gutorwa n’abaturage akaba afite 887.

10 . Aime IGABE amanota y’akanama nkemurampaka ni 30 naho mu gutorwa n’abaturage akaba afite 825.

Abavuyemo n’amanota bagize


Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO