Abarabu bakuwe ku rutonde rw’abahatana mu kugura ikipe ya Chelsea

Ikipe ya Chelsea ni iy’umuherwe w’Umurusiya ’Roman Abramovich’ gusa kuva intambara Uburusiya bwashoje kuri Ukraine yatangira, Uburusiya n’abakungu bakomoka muri iki gihugu bafatiwe ibihano bituma n’ikipe ya Chelsea ihura n’ingaruka z’iyi ntambara.

Kugeza ubu Chelsea iri ku isoko ndetse urugamba rwo gutoranya umuherwe mukuru uzayegukana rwabaye ingorabahizi.

Kugeza ubu Abarabu babarizwa muri The Saudi Media Group bahagarariwe na Bwana Mohamed Alkhereiji bamaze gukurwa ku rutonde rw’abahatanaga mu cyamunara cyo kugura iyi kipe.

Banki y’Abanyamerika yitwa Raine yahawe akazi n’umuherwe Roman Abramovich kugirango imufashe kugurisha mu buryo bwihuse ikipe ya Chelsea nyuma y’uko Ubwongereza bufatiye ibihano by’ubukungu Abaherwe b’Abarusiya babarizwa muri iki gihugu.

Abarabu bari baje muri iri piganwa babarizwa mu kigo The Saudi Media Group batangiye gukekwa ko bashobora kuba bafite aho bahuriye na Leta ya Saudi Arabia, ibi bituma ubusabe bwabo bukemangwa ko iyi kipe yaba igurishijwe leta.

Gusa abahagarariye iki kigo bavuga ko ntaho bahuriye na leta, Abandi bapiganirwa kugura Chelsea barimo Umuherwe wa Chicago Cubs Baseball Team ndetse aba nabo bamaze kwangirwa Ubusabe bwabo.

Aba bo bazize ko bafite aho bahurira bya hafi n’umuryango wa Donald Trump ndetse bakaba bagira ivangura n’urwango rukabije ku basilamu.

Biteganyijwe ko iyi banki ya Raine izakora urutonde rw’abapiganwa batatu cyangwa bane naho nyuma , umuherwe Abramovich akazahitamo bwa nyuma abo yifuza, nyuma icyo gihe Leta izatanga uburenganzira bwo kugurisha iyi kipe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO