Abashakashatsi berekanye ko imihindagurikire y’ikirere izagira ingaruka kuri 85% by’abatuye isi

Abashakashatsi batangiye gukora ubushakashatsi bwerekana ingano y’abantu bazahura n’ingaruka mbi z’imihindagurikire y’ikirere mu gihe ubushyuhe bwakomeza kwiyongera ku isi.

Ibyavuye muri ubu bushakashatsi byerekana ko abantu bangana na 85% batuye isi, baba mu bice byibasiwe n’imihindagurikire mibi y’ikirere yatewe n’ibikorwa bya muntu nkuko bigaragara mu bushakashatsi bashyize hanze ku wa kabiri dusoje.

Abashakashatsi bo mu gihugu cy’Ubudage bakusanyije amakuru yiga ku bwangizi busaga 100,000 bwatewe n’imihindagurikire y’ikirere yatewe n’ibikorwa bya muntu, ndetse basanze ingano y’ibyangirika izakomeza kwiyongera.

Max Callaghan, umushakashatsi muri Mercator Research Institute, ikigo cyiga ku mihindagurikire y’ikirere giherereye i Berlin mu kiganiro yagiranye na ABC News yagize ati ’’Muri buri bushakashatsi bwose dukoze tuba dufite amakuru ahagije yerekana ko isi ikomeje gushyuha, ndetse ikomeza gushyuha muburyo buhoraho.’’

Ubu bushakashatsi bwakozwe bwibanze no kuburyo uko igipimo cy’ubushyuhe cyiyongera bituma habaho imihindagurikire mu buryo imvura isanzwe igwa ndetse ibi bikagira ingaruka ku mikurire y’ibihingwa n’urusobe rw’ibinyabuzima muri rusange.

Ibyavuye muri ubu bushakashatsi nkuko byatangajwe n’inzobere Max Callaghan, byerekanye ko imvura igwa kuri 80% gusa bigize ubutaka bw’isi yose, kandi abatuye isi baba ahangana na 85%, ubwo 5% by’abatuye isi ntibabona imvura.

Mu gihe ubushakashatsi bwinshi bwerekana ko kwiyongera kw’igipimo cy’ubushyuhe biterwa n’ibikorwa bya muntu ndetse ugasanga bwibanda ku ngaruka bizatera mu myaka ya 2050 na 2100, Callaghan we yavuze ko izi ngaruka zatangiye kugaragara uyu munsi.

Mu kugabanya ibyago byaterwa n’imihindagurikire y’ikirere, ibihugu byose birasabwa kugabanya ibyotsi byohereza mu kirere.

’’Mu gihe tugikomeza gutwika lisansi, ibintu bizakomeza kuba bibi kurushaho, kugeza igihe cyose tuzaba tutaragera ku ngano y’ibyotsi bingana na zeru twohereza mu kirere, ibintu bizakomeza kuba bibi kurushaho. ’’ Byatangajwe n’umushakashatsi Max Callaghan.


Umushakashatsi Max Callaghan araburira isi ko ikwiye kugabanya ingano y’ibyotsi byoherezwa mu kirere, bitabaye ibyo tuzagerwaho n’ingaruka zikomeye.


Umubare w’abantu bazicwa n’inzara uzaba mwinshi bitewe n’imihindagurikire y’ikirere izatuma ibihingwa birumba.


Ingaruka z’imihindagurikire y’ikirere ziganjemo imyuzure ikomeye izakomeza kwibasira isi niba ntagikozwe mu maguru mashya.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO