Abashakashatsi bo muri Afurika bagaragaje ko Omicron ishobora kuba iherezo ry’icyorezo cya Covid-19

Igihe havumburwaga ubwihindurize bushya bwa covid-19 yiswe omicron, Abantu benshi bahinze umushyitsi kubera ko yandura ku muvuduko mwinshi, Abashakashatsi bo muri Afurika bagaragaje ko ubu bwihindurize bushobora gushyira iherezo ku cyorezo cya covid-19.

Imibare y’ishami ry’umuryango w’abibumbye ryita ku buzima itangaza ko kuva icyorezo cya Covid-19 cyagera ku isi, Nibura habarurwa abantu basaga miliyoni eshanu ku isi imaze kwica.

Ubwihindurize bwa Delta na Omicron ni zimwe muri virusi zihinduranyije zikanduza umubare munini w’abantu kuva iki cyorezo cyagera ku isi.

Ubu bwihindurize bwa Omicron bwagaragaye bwa mbere muri Afurika y’epfo, Kugeza ubu amakuru atangazwa n’abashakashatsi ni uko ubu bwihindurize bushobora gushyira iherezo ku cyorezo cya covid-19.

Omicron ishobora gushyira iherezo kuri covid-19.

Umwe mu nzobere mu bumenyi n’imyororokere ya virusi muri Afurika y’epfo witwa Wolfgang Preiser, Mu kiganiro na DW yatangaje ko imiterere ya virusi ya Omicron iri gutanga ikizere cyane ko ishobora gushyira iherezo ku cyorezo cya Covid-19.

Gusa yakomeje avuga ko ibi byagerwaho ari uko nibura buri muturage yongerewe ubudahangarwa bumurinda imwe mu nkubiri zabanje.

Yagize ati " Ndizera ko buri muntu ashobora guhabwa urukingo rwo gushimangira, Ndetse buri wese aramutse nibura yarahawe urukingo rumwe, niyo haza indi nkubiri itunguranye, bwa budahangarwa twubatse bwakomeza kuturinda."

Guhabwa inkingo bizadufasha kurwanya covid-19.

Imiterere yoroheje y’ubwoko bwa Omicron ni inkuru nziza mu bihugu byinshi bya Afurika aho covid-19 yagiye ihindagurika, ariko kandi biha abahanga ibyiringiro by’uko icyorezo cya COVID-19 kizarangira burundu.

Fred Binka, inzobere mu by’indwara ukomoka muri Gana, yavuze ko amakuru yo muri Afurika y’Epfo ku bijyanye no kugabanuka k’ubwihindurize bwa Omicron ari meza mu kurwanya icyorezo cya covid-19 muri rusange.

Mu kiganiro na DW, Binka yagize ati: "Iyi ni inkuru nziza cyane! Virusi zifite ibintu bibiri by’ingenzi, zifite igipimo cy’ingaruka zishobora gutera umuntu wayanduye zikagira n’ubushobozi bwo kwanduza."

Yakomeje asobanura ko virusi zidakunze kugira ubushobozi bwo kwica abantu kandi icyarimwe zikagira n’ubushobozi bwo kwanduza abantu benshi icyarimwe.

Binka yagize ati: "Zirihindura kandi zikagira imbaraga mu kwanduza cyangwa kwica abantu benshi. Iyo rero virusi yahererekanyijwe cyane, iba ifite ubushobozi bwo kwica buri hasi.".

Binka yumvikanye yongeraho ati: "Biragaragara ko icyorezo kiri hafi kurangira, virusi imaze kwigaragaza, kandi izaba icyorezo kizahoraho iteka ryose."

Yahanuye ko COVID-19 izahinduka virusi isanzwe dushobora kubana nayo no kuvura nk’uko tubana na virusi zitera ibicurane.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO