Abashinzwe umutekano banenze French Montana kubera uburangare yagize ubwo hafatwaga amashusho y’indirimbo ye bikarangira harasiwe abantu 10

Umuraperi French Montana yanenzwe bikomeye na Polisi kuko atabashije gushyiraho uburyo butanga umudendezo ubwo hafatwaga amashusho y’indirimbo ye maze bikarangira habaye irasana ndetse abagera ku 10 bakaraswa.

Amashusho y’indirimbo y’uyu muraperi yafatirwaga ahitwa Miami Gardens gusa umukuru w’aka gace yanenze bikomeye uyu muhanzi avuga ko yagombaga gutegura neza uburyo bwo gufata amashusho ndetse agashyiraho n’uburyo bwarinda abari aho ko ubuzima bwabo butajya mu kaga.


Umukuru wa Polise yatangaje ko iyo uyu muhanzi ataza kugira uburangare ngo afate amashusho mu buryo budafututse ngo abashinzwe umutekano bagombaga kwita kuri buri kimwe ku buryo nta numwe wari kugira ikibazo.


Uyu muraperi we yatangaje ko atarimo gufata gusa amashusho y’indirimbo ahubwo ngo yarimo kwishimira ishyirwa hanze ry’umuzingo w’indirimbo ze aho yavuze ko kuba hari abarashwe ngo byahuriranye n’uko bari bari ahantu habi kandi mu gihe kibi bituma baraswa.


Gusa abarashwe bose bivugwa ko nta numwe wigeze yitaba Imana ndetse biteganyijwe ko bagomba koroherwa mu gihe cya vuba ndetse uyu muraperi French Montana we ubwo iraswa ryabaga ntabwo yigeze agira icyo aba.

Gusa kugeza ubu ntabwo abashinzwe umutekano bigeze nbafata uwabaye nyiri abayazana cyangwa ngo bagaragaze impamvu nyamukuru yateye ibi byose.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.