Abasirikare babiri ba Amerika bafatiwe muri Ukraine n’ingabo z’Uburusiya

Robert drueke w’imyaka 39 y’amavuko hamwe na mugenzi we Andy Huynh aba bombi ni bamwe mu babarizwa mu ngabo z’Amerika ndetse bafashwe n’ingabo z’Uburusiya ubwo barimo kurwanirira Ukraine.

Aba basirikare bombi bari mu itsinda ry’abasirikare 10 bari ku rugamba ubwo bageragezaga guhangana n’ingabo z’Uburusiya mu gace ka Karkiv bivugwa ko umusirikare umwe witwa Drueke ngo yarwanye intambara mu gihugu cya Iraq ubwo Amerika yari yarashoje intambara muri iki gihugu.

Naho mugenzi we Andy w’imyaka 27 y’amavuko ngo ni umusirikare ukomeye cyane uri mu barwanira mu mazi gusa ngo ntiyakunze kujya agaragara cyane ku rugamba rw’intambara mbere yo guhindura ibitekerezo bitewe nibyo yabonaga muri Ukraine ndetse yahise yiyemeza kujya guhangana n’ingabo z’Uburusiya bityo atangaza ko yiteguye no gupfa.

Magingo aya aba basirikare hari abafite impungenge ko bashobora gukatirwa igihano cy’urupfu nyuma yo gufatwa n’ingabo z’Uburusiya aho ibi byafashwe nko kwivanga mu ntambara badafitemo impamvu.

kugeza ubu Leta zunze ubumwe za Amerika ntabwo ziragira icyo zitangaza ku bijyanye n’izi ngabo zabo zamaze gufatirwa muri Ukraine.

Magingo aya ingabo z’Uburusiya zikomeje intambara yeruye kuri Ukraine aho zikomeje gushaka gufata ibice bitandukanye mu burengerazuba bwa Ukraine ndetse Perezida w’iki gihugu Volodymr Zelensky nawe akomeje kwanga kuva ku izima aho akomeje kwinginga ibihugu byo mu burengerazuba bw’isi ngo bikomeze kumuha intwaro bityo nawe yirwaneho.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO