Abasirikare basaga 90 b’u Burusiya bishwe mu ntambara biturutse ku burangare bakoresha telefone

Mu gihe isi yose yizihizaga iminsi mikuru y’Ubunani, Igisirikare cy’u Burusiya cyo cyari mu gahinda ko gupfusha abasirikare 89 aho bishwe n’ibisasu biturutse ku burangare igihe bakoreshaga telefone.

Amakuru y’imibare y’abasirikare bapfuye ntabwo avugwaho rumwe dore ko Leta ya Ukraine itangaza ko abasirikare b’u Burusiya basaga 400 bishwe naho abasaga 300 bagakomerekera mu gitero cy’ibisasu byarashwe i Makiivka, mu gace kigaruriwe n’u Burusiya mu ntara ya Donetsk.

Amakuru dukesha leta y’u Burusiya avuga ko ahagana saa sita n’umunota umwe (00:01) z’umwaka mushya, ibisasu bitandatu (6) byarashwe ku birindiro by’ingabo zabwo, Bibiri muri byo bigahanurwa bikiri mu kirere.

Amakuru dukesha BBC avuga ko impamvu nyamukuru yateye urupfu rw’aba basirikare 89 b’u Burusiya ngo bazize gukoresha telefone zari zaraciwe, ibi bituma umwanzi abasha kumenya aho baherereye, niko kubarasaho ibisasu n’ubwo iperereza rigikomeje.

Kugeza ubu impande zombi ntizumvikana ku mubare wa nyawo w’abaguye muri iki gitero ndetse amaherezo y’iyi ntambara akomeje kuba urujijo.



Ibikorwa remezo byinshi bimaze kwangirika

Igikorwa cyo kunamira abasirikare b’u Burusiya baguye mu ntambara

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.