Abasore bahize abandi muri Mister Rwanda bahawe ingabo n’icumu

Abasore babashije guhiga abandi mu bukaka, ubushongore n’ubuhanga mu majonjora y’irushanwa ryo gushaka Rudasumbwa w’U Rwanda ku nshuro ya mbere bahawe Ingabo n’icumu nk’ikimenyetso cy’uko babashije guhiga abandi.

Mu gihe amarushanwa ya Nyampinga w’ U Rwanda (MISS RWANDA) tumenyereye ko abakobwa bahiga abandi bahabwa impapuro zanditseho ’PASS’ kuri basaza babo bari mu irushanwa rya Mister Rwanda rigamije gushakisha rudasumbwa, Bo siko bimeze.

Mu majonjora yaberaga mu ntara y’umujyi wa Kigali yari ategerejwe na benshi, Abasore babashije guhiga abandi bahawe icumu n’ingabo nk’ikimenyetso cy’uko ari bo babashije gukomeza mu bindi by’iciro by’irushanwa.

Mu mateka y’U Rwanda rwo ha mbere, mu gihe aho urugamba rwabaga rukaze igihugu cyatewe n’umwanzi, Abasore b’intoranywa bahabwaga ingabo n’icumu ngo bibarinde ku rugamba ndetse bibafashe mu gusigasira ubusugire bw’igihugu cyabo.

Ibi babihawe nk’ikimenyetso cy’iterambere ry’abo ku giti cyabo n’igihugu muri rusange ndetse nka Rudasumbwa bibukijwe ko igihe bibaye ngombwa bakoresha ubukaka n’ubushongore bwabo mu kurwanirira igihugu.

Irushanwa Mister Rwanda ribaye ku nshuro yaryo ya mbere kandi hagaragayemo abasore babiri babashije gukomeza bakinnye muri filime Little Angel yatunganyijwe na Genesis Studio ibarizwa muri Genesis TV.





Aime wagaragaye muri filime Little Angel yateguwe na Genesis TV yabonye itike yo gukomeza mu kiciro gikurikira mu marushanwa ya Mister Rwanda

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO