Abategereje Sadio Mane mu gikombe cy’Isi nibasubize amerwe mu isaho

Ikipe y’igihugu ya Senegal yasohoye itangazo rivuga ko rutahizamu wa Bayern Munich ndetse akaba n’umwe mu bafatiye ikipe y’igihugu ya Senegal runini atazakina igikombe cy’Isi kubera ikibazo cy’imvune.

Sadio Mane yavunikiye mu mukino wa shampiyona ikipe ye ya Bayern Munich yakinaga mbere gato y’uko berekeza muri Qatar ndetse hakomeje gukorwa ibishoboka byose kugirango uyu mukinnyi abe yamera neza ariko biranga biba iby’ubusa.

Sadio Mane yari ategerejweho ubufasha dore ko ikipe ya Senegal izaba ihanganye n’ikipe y’igihugu y’Ubuholandi kuwa Kabiri w’iki cyumweru tugiye kwinjiramo.

Igikombe cy’Isi biteganyijwe ko kigomba gutangira kuri iki cyumweru taliki ya 20 Ugushyingo 2022 aho ikipe y’igihugu ya Qatar izacakirana na Ecuador.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO