Abategereje umukino wa Arsenal na PSV Eindhoven basubize amerwe mu isaho

Uefa yamaze gutangaza ko umukino wagombaga guhuza Arsenal na PSV Eindhoven utakibaye ndetse ibi bifitanye isano no kunamira Umwamikazi w’Ubwongereza Elizabeth watanze afite imyaka 96 y’amavuko.

Uyu mukino wari guhuza amakipe yombi yaba Arsenal na PSV aho bose baherereye mu itsinda rya mbere.

Impuzamashyirahamwe ry’umupira w’amaguru ku mugabane w’i Burayi UEFA yatangaje ko wasubitswe kubera ko abapolisi benshi I London bahugiye mu kurinda umutekano muri ibi bihe byo kunamira umwamikazi Elizabeth.

Itangazo rya UEFA rivuga ko itariki nshya izakinirwaho uyu mukino izatangazwa mu minsi iri imbere.

Kugeza ubu abapolisi hafi ya bose mu gihugu cy’Ubwongereza barimo gutanga umutahe wabo mu gucungira abaturage umutekano dore ko imbaga nyamwinshi y’abaturage yerekeje I London kunamira Nyiricyubahiro Elizabeth watabarutse afite imyaka 96 y’amavuko.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO