Abatoza 5 batajegajega nibo bazarebera ubuntu umukino w’Amavubi na Ethiopia

Abatoza bakomeye batoza amakipe arimo APR FC,Rayon Sports,Kiyovu Sports tutirengagije na Police FC nibo batoza bagomba kuzarebera ubuntu umukino uzahuza ikipe y’igihugu Amavubi na Ethiopia ku munsi wo kuwa Gatandatu.

Uwavuga ko abatoza bahawe ubutumire aribo baturuka mu makipe yiganjemo abakinnyi bari mu ikipe y’igihugu ntabwo yaba yibeshye.

Magingo aya Amavubi y’umutoza Carlos Arros Ferrer ari mu mwiherero mu Karere ka Huye aho biteganyijwe ko uyu mukino ugomba kubera.

Biteganyijwe ko abandi batoza badatoza amakipe yavuzwe hejuru bagomba kuzakurikira uyu mukino ari uko baguze itike ndetse abatoza b’aya makipe yavuzwe bo bagomba kuzareba uyu mukino bari kumwe n’abatoza babo bungirije kugirango babashe kureba abakinnyi babo bazaba bari mu ikipe y’Igihugu Amavubi.

Uyu mukino uzabera i Huye kuri uyu wa Gatandatu ku isaha ya saa Cyenda (15:00 PM) kuri sitade mpuzamahanga y’Akarere ka Huye.

Iyi stade izaba igiye gukinirwaho bwa mbere kuva yavugururwa aho Amavubi agomba kuzisobanura na Ethiopia mu mukino wo kwishyura dore ko umukino ubanza amakipe yombi yanganyije 0-0 aho uyu mukino wabereye mu gihugu cya Tanzania.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.