Adateye Ivi! Byiringiro Lague yambitse impeta umukunzi we amusaba ko bazabana

Nyuma y’igihe kirenga umwaka Byiringiro Lague ari mu munyenga w’urukundo na Uwase Kelia yashize amusaba ko yamubera umufasha amwambika impeta y’urukundo mu buryo bwihariye.

Ku wa Kabiri tariki ya 28 Nzeri 2021, ni bwo Byiringiro Lague abicishije ku mbuga nkoranyambaga yambitse impeta Uwase Kelia nk’ikimenyetso, ahita asaba umukunzi we Uwase Kelia ko yazamubera umugore w’isezerano w’ubuzima bwe bwose.

Ibi bibaye, nyuma y’uko uyu rutahizamu yanamaze gufata irembo iwabo wa Uwase.

Byagiye binavugwa ko yanamaze kumutera inda nk’uko yabigaragaje mu kimenyetso yakoze ubwo mbere y’isozwa rya shampiyona yatsindaga igitego Rutsiro FC mu mukino wabereye kuri Stade ya Huye, agahita ashyira umupira imbere mu mwenda yari yambaye nk’ikimenyetso kigaragaza ko umukunzi we amutwitiye imfura.

Amakuru avuga ko ubukwe bw’aba bombi buri mu mezi abiri ari imbere, mu gihe kuri uyu wa Kane tariki ya 30 Nzeri 2021 ari bwo bazasezerana mu Murenge.

Byiringiro aherutse kugirira ikibazo cy’imvune mu mukino wahuje u Rwanda na Kenya mu gushaka itike yo kujya mu gikombe cy’Isi wabereye kuri Stade ya Kigali, ukarangira amakipe yombi anganyije 1-1.

Byiringiro Lague ntabwo yasoje uyu mukino kuko yari yajyanywe kwa muganga ndetse bikaba biteganyijwe ko Azamara hanze y’ikibuga hagati y’amezi atatu n’atandatu adakina.



Lague yasabye umukunzi we kumubera umugore

Bombi bemeranyije kuzabana akaramata

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO