Adekunle Gold n’umugore we Simi begukanye ibihembo muri AFRIMMA 2021

Abahanzi bakomoka muri Nigeria Adekunle Gold n’umugore we Simi batsindiye igihembo kimwe umwe mu bagabo undi mu bagore batungura benshi.

Abahanzi bamaze igihe bakundana ndetse bamaze no kwibaruka, Adekunle Gold uzwi ku kazina ka Ag Baby niwe wegukanye igihembo cy’umuhanzi mwiza wahize abandi muri Afurika y’iburengerazuba mu bagabo (Best Male West Africa) naho umugore we akaba n’umuhanzikazi ukomeye muri Afurika Simi atsindira igihembo cy’umuhanzikazi mwiza wahize abandi muri afurika y’iburengerazuba mu bagore (Best Female West Africa).

Adekunle Gold yegukanye iki gihembo ahigitse abahanzi bakomeye muri afurika barimo Davido (Nigeria) , Kidi (Ghana) , Burna Boy(Nigeria) , Wizkid(Nigeria), Rema (Nigeria) , Sarkodie (Ghana) , na Wally Seck (Senegal)

Simi yegukanye iki gihembo ahigitse abahanzikazi bakomeye muri Afurika barimo Adina(Ghana) , Tiwa Savage(Nigeria),Zeynab Habib (Benin) , Yasmine(Guinea Bissau) , Dior Mbaye(Senegal) , Mzvee (Ghana) na Tems (Nigeria).

Adekunle Gold na Simi bamaze imyaka itanu bakundana nyuma baza gushyingiranwa tariki 9 Mutarama 2019 ubu bombi bamaze kubyarana umwana umwe w’umukobwa witwa Adejare Kasoko umaze kugira umwaka umwe urenga.

Umuhanzikazi Simi ni ubugira kabiri atwaye igihembo cy’umuhanzikazi mwiza witwaye neza muri afurika y’iburengerazuba (Best Female West Africa) kuko ariwe wagitwaye umwaka ushize wa 2020 ahigitse abarimo Josey (Ivory Coast) Tiwa Savage (Nigeria) Zeynab (Benin) Yemi Alade (Nigeria) Yasmine(Guinea Bissau) Dior Mbaye (Senegal) Adina (Ghana) Teni (Nigeria) na Aya Nakamura (Mali).

Adekunle Gold ni ubwa mbere atwaye iki gihembo cy’umuhanzi witwaye neza kurusha abandi muri Afurika y’iburengerazuba mu bagabo (Best Male West Africa) icyakoze yagiye ahatana inshuro zirenze imwe harimo n’umwaka ushize wa 2020.
Ni mu bihembo bya AFRIMMA 2021 ( African Muzik Magazine Awards ) byari bitanzwe ku nshuro ya Munani kuko byatangiye gutangwa mu 2014.

Ibi bihembo byatangiwe muri Leta zunze ubumwe za Amerika binyuze mu buryo bw’ikoranabuhanga ku nsanganayamatsiko igira iti mu “Flavors of Africa “ kinyarwanda “Uburyohe bwa Afurika”

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO