Afite amafaranga yo gufasha abamukomokaho gusa nta buryo yabona bwo kubikora! umukuru wa OMS yavuze agahinda afite

Dr. Tedros uyobora Ishami ry’umuryango w’abibumbye ryita ku buzima (OMS/WHO) akomeje kwinubira uburyo adashobora koherereza amafaranga yo gufasha benewabo.

Umukuru w’ishami ry’umuryango w’abibumbye ryita ku buzima (OMS) Dr Tedros Ghebreyesus, yinubiye ukuntu adashobora koherereza amafaranga benewabo bo mu karere ka Tigray mu majyaruguru ya Ethiopia aho barimo kwicwa n’inzara.

Uyu mugabo ukomoka mu bwoko bw’aba Tigray, yavuze ko ako karere kamaze imyaka ibiri gafunze kubera intambara ndetse ngo abaturage bayo nibo barimo kubibabariramo.

Uyu mugabo mu magambo ye yagize ati: "Mfiteyo benewacu abo dufitanye isano benshi.

"Ndashaka kuboherereza amafaranga. Sinshobora kuboherereza amafaranga. Barimo kwicwa n’inzara, ndabizi, ariko sinshobora kubafasha".

Uyu mugabo yabigarutseho mu kiganiro n’itangazamakuru i Geneve ku cyicaro gikomeye cya OMS.

Iyi ntambara muri aka gace yatangiye mu kwezi k’Ugushyingo 2020, imaze kwicirwamo abaturage barenga amagana n’amagana.

Kuva intambara yatangira, akarere ka Tigray nta serivisi z’ibanze gafite, nk’umuriro w’amashanyarazi n’ibindi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO